Модульдік оқыту туралы
Модульдік оқыту – бұл оқыту мазмұнын офлайн және онлайн форматтағы шағын бөліктерге бөлуге негізделген модульдер деп аталатын оқыту әдісі. Бұл тәсіл білім алушыларға материалдың жекелеген бөліктерін ыңғайлы қарқынмен және негізгі жұмыстан қол үзбей арнайы кесте бойынша оқуға мүмкіндік береді.
Модульдік қағидаты бойынша оқыту Академияда 2020 жылдан бастап енгізілді. Бұл оқыту форматы күннен-күнге танымал болып келеді және 2022 жылдан бастап Академия осы форматтағы білім беру бағдарламалары бойынша қосымша қысқы оқуға қабылдауды қарастырды.
Бағдарламалар Қазақстан Республикасының заңнамасында тыйым салынбаған өзге де қаржыландыру көздері есебінен мемлекеттік қызметшілерге, мемлекеттік бюджет есебінен қаржыландырылатын ведомстволық бағынысты ұйымдардың өкілдеріне, квазимемлекеттік сектор субъектілеріне, мәслихат депутаттарына арналған.
Модульдік оқытудың артықшылықтары:
Тиімділік: Модульдер оқыту қарқыны оқу мазмұнын барынша тиімді игеруге мүмкіндік беретіндей етіп ұйымдастырылған.
Жеке тәсіл: Барлық оқу кезеңі ішінде оқытушылар мен үйлестірушілердің икемді қолдауы.
Біркелкі жүктеме: Модульдер біркелкі бөлінеді, бұл материалды игеруді жеңілдетеді.
Практикалық қолдану: Алған білім мен дағдыларды әрбір модуль аяқталғаннан кейін бірден тәжірибеде қолдану мүмкіндігі.
Оқуға түсушілерге қойылатын талаптар:
«ЕМРА – Мемлекеттік басқару» білім беру бағдарламасына түсушілерге қойылатын негізгі талап – басшылық қызметтегі жалпы жұмыс өтілі кемінде екі жыл, «MRD – Өңірлік даму» білім беру бағдарламасына – жалпы жұмыс өтілі кемінде екі жыл.
Білім беру бағдарламасының құрылымы:
Білім беру бағдарламасы негізгі пәндерден, таңдау пәндерінен, өндірістік практикадан, ғылыми тағылымдамадан, сондай-ақ магистранттың эксперименттік-зерттеу жұмысынан тұрады.
Оқыту форматы
Оқу жылы 6 модульден тұрады, олардың әрқайсысында 2 апталық офлайн мен 4-5 апталық онлайн қашықтықтан оқыту форматындағы сабақтар бар.
.
Кім(-дер) сабақ береді:
– Академияның көрнекті ғалымдары (ғылым докторлары мен кандидаттары, философия докторлары (PhD), бейіні бойынша докторлар);
– шақырылған дәріскерлер: орталық мемлекеттік органдардың аппарат басшылары, орталық мемлекеттік органдар мен квазимемлекеттік ұйымдар департаменттерінің директорлары, ғылыми-зерттеу институттарының басшылары және т.б.;
– мемлекеттік басқару саласындағы жетекші шетелдік және қазақстандық сарапшылар, практик мамандар.