Академияның Қолданбалы зерттеулер институтының бас ғылыми қызметкері Жанат Момынқұлов ҚР Сенат Төрағасы М.Әшімбаевтың қатысуымен ҚР Парламенті Сенаты жанындағы Жас сарапшылар клубы мен Талдау мектебінің 13-ші жиынына қатысты.
Кездесу Қазақстан Президентінің жаңа экономикалық модельге көшу жөніндегі Жолдауын тиімді жүзеге асырудың негізгі мақсаттары мен тиімді тетіктерін талқылауға арналды.
Сенат спикері экономикалық өсудің 4 негізгі шартын атап өтті:
1) ұлттық экономикамызда әділ, біркелкі, ашық, ұзақ мерзімді «ойын ережелері» қажет. М.Әшімбаевтің ойынша, бұл ережелер көпшілікті қамтып, «ешкім заңнан жоғары болмауы тиіс» деп айрықша атап өтті.
2) инфрақұрылымды дамыту және кәсіпорындарды шикізатпен (электр энергиясы, су, байланыстар, жолдар және т.б.) қамтамасыз ету.
3) қолжетімді несиелер мен инвестициялар қажет. Спикердің пікірінше, «несиелер – экономиканың қозғаушы күші», сондықтан тұтынушылық несиелер беріп ғана қоймай, банктер экономикаға жұмыс істеуі қажет.
4) ішкі нарықты қорғау. Экономиканың сезімтал секторларын қорғау үшін халықаралық міндеттемелер шеңберінде ұлттық өндірушілерді қолдаудың прагматикалық, ұтымды әдісін (рационалды протекционизм) қолданып, көрші елдерден өнімдер импортын әртараптандыру қажет.
Спикер өз сөзінде халықтың әл-ауқаты мен өңірлердің дербестігін арттыруға баса назар аударды.
Әшімбаев мемлекет дамуының 4 басым мақсатын айқындап берді: қосылған құны бар экономиканы әртараптандыру, технологияға негізделген агроөнеркәсіп кешенін дамыту, көлік-логистикалық кешенін (Каспийдің әлеуеті) және тау-кен өнеркәсібін жаңғырту.
Сарапшылар адами капиталды, мемлекеттік басқару мен жоспарлауды, институттарды дамыту, аналитиканың сапасы, инфляцияны реттеу, орталықсыздандыру сияқты өзекті мәселелерді көтеріп талқыға салды.
«Жас сарапшылар клубының» қатысушылары экономикадағы нақты мәселелерді шешуге қатысты пайым пен ұсыныстарын ортаға салды.
Сенат Төрағасы Жолдаудың мақсаттарын жүзеге асыру аясында мүдделі тараптарды жүйелі өзара іс-қимылға шақырды.
