Академияның Тілдік құзыреттілікті дамыту кабинеті – мемлекеттік және ағылшын тілдерінде пікір алмасу, ауызша, жазбаша талдау жұмыстарын орындау, белсенді диалогқа түсудің ашық алаңы.
Біздің авторлық бағдарламаларымыз шашыраңқы тілдік білімді біртұтас құрылымға жинақтап, сөйлеу барысындағы кедергілерді алып тастауға көмектесумен қатар сөйлеу, жазу дағдыларыңызды қалыптастырады.
Біз ресми-іскерлік стильдің жазылымы мен эссе, талдамалы жазбалар, сараптама, есеп, баяндама жазудың озық әдістемелері мен техникаларын игертеміз. Практикалық сабақтарда шешендік өнердің дағдылары мен көпшілік алдында еркін сөз сөйлеу техникаларын меңгересіздер.
Курс сабақтары әрбір тыңдаушыны сөйлеу кейстеріне тартатын интенсивті тренинг түрінде өткізіледі, оқытудың нәтижесі бойынша тиісті сертификаттар беріледі.
Топ 10-15 адамнан тұрады. Оқыту форматы офлайн немесе онлайн. Сабақтар аптасына 3 рет 2 академиялық сағаттан өтеді.
- Қазақ тілін оқу курстары, барлық деңгейлер
- Ағылшын тілін оқыту курстары, барлық деңгейлер
Топтар алдын ала жазылу арқылы қалыптастырылады.
Семинарлардың ұзақтығы – 24, 36 және 48 академиялық сағат.
Академия келісім бойынша тапсырыс берушінің ғимаратында өткізіледі, бастауыш, орта деңгейлі, және еркін меңгерген тыңдаушыларға бағытталған.
Тілдік құзыреттілікті арттыру семинарларының тақырыптары:
- Эссе жазу техникасы
- Жалпы білім беру мектептерінің жоғары сыныптарының қазақ тілі сабақтарында ресми-іскерлік стильді оқыту әдістемесі
- Қазақстанның жоғары оқу орындарында кәсіби қазақ тілін оқытудың әдістемесі
- Ресми-іскерлік мәтін құрастыру
- Ресми жазылым және орфографиялық нормалар
- Көпшілік алдында сөз сөйлеу және сөйлеуге жазбаша дайындық
- Qazaq Resmi Test тапсыруға дайындық
QAZAQ RESMI TEST – жоғары оқу орнынан кейінгі тілдік құзыреттілікті анықтауға арналған онлайн тест.
Тестілеуден өтуге арналған нұсқаулық:
- Көрсетілген сілтеме бойынша сайтқа кіріңіз https://www.qrt.kz/;
- Сайтта тіркеліңіз (ЖСН, аты, тегі, электронды пошта, пароль, туған күні, айы, жылы, жынысы);
- Тестілеуден өту мақсатын таңдап, жеке кабинетке кіресіз;
- Тестілеуге қол жеткізу үшін «Тест төлеу» батырмасын таңдаңыз;
- Тест ақысы төленгеннен кейін тестілеуге кірісіңіз;
- Жеке куәліктің сканерленген нұсқасын жүктеп алыңыз (png, jpg, jpeg форматтарында болуы керек);
- Тестің 4 бөлімін де орындау қажет;
- Тест нәтижелері 2 жұмыс күні ішінде жеке кабинетке түседі.
Жүйенің дұрыс жұмыс істеуі үшін тек Chrome браузерін пайдалану керек екенін ескеріңіз. Бұл браузер онлайн тестілеу үшін барлық қажетті форматтармен жұмыс істеуге мүмкіндік береді. Chrome браузерін мына жерден жүктей аласыз.
QAZAQ RESMI TEST-ті онлайн режимінде, компьютерден, өзіңізге ыңғайлы кез келген уақытта тапсыра аласыз.
Тест 4 бөлімнен тұрады, оларды кез-келген ретте тапсыруға болады. Тестің барлық бөлімдерін бірден өту маңызды.
Бағасы: 1 адамға 1 ак. сағаты
Кешкі топтар
үшін
Күндізгі топтар үшін
+7 7172 75 32 70
