1-6 қыркүйек аралығында Академияда оқуға келген магистранттар мен докторанттар үшін бағдарлау апталығы өтті. Бағдарлама аясында оқу жылының ресми ашылуы, Академияның құрылымдық бөлімшелерімен (академиялық, ғылыми және әкімшілік), Институттармен және профессорлық-оқытушылық құраммен таныстыру ұйымдастырылды.
Оқытушылар мен білім алушылар Мемлекет басшысының Жолдауын бірге тыңдады, магистранттар мен докторанттардың құзыреттіліктерін бағалау жүргізілді және ағылшын тілін білу деңгейін анықтауға арналған тестілеу өткізілді. Білім алушылар бүкіл оқу процесі жүзеге асырылатын ішкі жүйеде жұмыс істеуді меңгеріп, корпоративтік пошталарын алды. Сондай-ақ академиялық адалдық, ақпараттық саясат және академиялық мәдениет қағидалары таныстырылды.
Білім алушылар группаларының старосталарын сайлады. Олармен бірге академиялық процесті жетілдіру бойынша идеялар мен туындаған мәселелерді ұжымдық талқылайтын Магистранттар мен докторанттар кеңесі құрылатын болады.
Сонымен қатар профессорлық-оқытушылық құрамға арналған бағдарлау күні ұйымдастырылды. Кездесу барысында ректор Ерлан Әбіл Академияның миссиясы, құндылықтары, құрылымы мен мүмкіндіктеріне тоқталды. Шараға проректорлар мен құрылымдық бөлімшелердің басшылары да белсене қатысып, оқу, ғылыми-зерттеу және ұйымдастыру-қызметтік блоктарды дамыту туралы, Академияның сыбайлас жемқорлыққа қарсы мәдениеті мен талаптарын сақтауы жайлы,оқу процесі, тіл саясаты, ақпараттық саясаттың негізгі қағидалары туралы ақпарат берді. Бағдарлау күні «Эмоционалдық интеллект – күнделікті практикалық қолдану» тақырыбындағы мастер-класпен аяқталды.