Электоралдық оқыту орталығы 2021 жылғы 20 желтоқсанда сайлау процесінің қатысушыларын оқыту және кәсіби біліктілігін арттыру мақсатында құрылды.
Орталықтың міндеттері:
- сайлау заңнамасы және сайлау процесінің ерекшеліктері мәселелері бойынша мақсатқа бағытталған онлайн және офлайн оқыту курстарын өткізу;
- сайлау процесі қатысушыларының әртүрлі таргет-топтарын: сайлауды ұйымдастырушыларды, мемлекеттік қызметшілерді, масс-медиа, саяси партиялар, үкіметтік емес ұйымдар өкілдерін, электоралды заңгерлерді, өңірлік колл-орталықтардың жұмыскерлерін, құқық қорғау және сот органдарының жұмыскерлерін, жастар ұйымдарының өкілдерін оқыту үшін тренерлік корпусты даярлау;
- сайлау құқығы және сайлау процесі мәселелері бойынша оқу-әдістемелік материалдар әзірлеу;
- сайлаушыларды электоралдық-құқықтық ағарту;
- консультативтік, сараптамалық, талдамалық қызметтер көрсету;
- сайлауды ұйымдастырушылардың құзыреттілігіне мониторинг пен бағалау жүргізуді қамтамасыз ету.
Орталықтың жұмысы Қазақстанның сайлау жүйесі институттарымен, сол сияқты мемлекеттік органдармен, білім беру ұйымдарымен, ғылыми-зерттеу институттарымен және орталықтармен, масс-медиа өкілдерімен, қоғамдық-саяси, оның ішінде жастар ұйымдарымен ынтымақтастыққа бағытталған.