Қазақстан Республикасында сайлау жүйесі қызметкерлерінің құзыреттілігін арттыру, сондай-ақ каскадты оқыту әдісі бойынша сайлау процесіне қатысушылардың әртүрлі таргет-топтарын оқытуға жаттықтырушыларды даярлау мақсатында сайлау процесіне өзге де қатысушыларды оқыту, аумақтық сайлау органдарының қызметін кәсібилендіру.
Сайлау процесіне қатысушыларды электоралдық оқыту «Қазақстан Республикасындағы сайлау туралы» 1995 жылғы 28 қыркүйектегі № 2464 Қазақстан Республикасы Конституциялық заңының 12-бабының 5-тармақшасы, 14-бабының 11-1) тармақшасы, 18-бабының 9-1) тармақшасы, «Қазақстан Республикасында сайлау процесіне қатысушыларды оқытуды ұйымдастыру жөніндегі 2025 жылға арналған шаралар кешені» Қазақстан Республикасы Орталық сайлау комиссиясының 2024 жылғы 11 желтоқсандағы № 58-73 қаулысымен және Қазақстан Республикасының Президенті жанындағы Мемлекеттік басқару академиясында және оның филиалдарында сайлау ұйымдастырушыларын және сайлау процесіне өзге де қатысушыларды оқыту жөніндегі оқыту Жоспар-кестелері ҚР ОСК/АСК-мен келісу негізінде жүзеге асырылады.
Оқыту курстары Қазақстан Республикасы Президентінің жанындағы Мемлекеттік басқару академиясының Электоралдық оқыту орталығында және Академияның облыстық филиалдарында іске асырылады.
Оқыту форматтары: дәрістер, интерактивті пікірталастар, практикалық сабақтар, шағын топтардағы жұмыс, case-study, қашықтықтан, күндізгі және басқа да интерактивті оқыту түрлерін біріктіретін сабақтар.
Барлық таргет-топтар бойынша оқуға жіберу үшін кандидаттардың тізімін қалыптастыруды ҚР Орталық сайлау комиссиясы және Аумақтық сайлау комиссиялары жүзеге асырады.
Біліктілікті арттыру курстарының ұзақтығы 8-ден 90 академиялық сағатқа дейін.