Page 107 - Диссертация к

2.3 Түркістан қаласы бойынша халық үніне құлақ асатын
мемлекеттік басқару жүйесін сандық және сапалық тұрғыдан бағалау,
негізгі мәселелерін саралау

Елде қандай да бір жаңа басқару жүйесі енгізілсе, ол заңнамалық базаны,
арнайы ережелерді, әлеуметтік экономикалық және саяси шешім қабылдау
әдістерін қамтиды. Қабылданған жаңа басқару жүйесінің нәтижелігі мен
тиімділігі кем дегенде үш себепке негізделе отырып анықталады: біріншіден,
бағдарламаның қаншалықты сәтті жасалғанына, екіншіден билік
құрылымдарының мақсатты әрекеттерінің реттілігіне, үшіншіден әлеуметтік
ортаның бағдарламаны қабылдаудағы реакциясына байланысты [44].
Осы себепті қазіргі таңда мемлекеттік басқарудың заманауи
зерттеушілері жеке және қоғамдық ұйымдардың байланыстарын мен мемлекет
пен халық арасындағы өзара іс-қимылдарды зерттеуге баса назар аударуда.
Өйткені дәл осы салада нақты шешімдер қабылданады және басқару
функциялары жүзеге асырылады [237].
Зерттеу жұмысының негізгі міндеттерінің бірі ретінде «Халық үніне
құлақ асатын мемлекет» концепциясының нәтижелігін талдау үшін, елімізде
«Адамдарға бағдарланған» оңтайлы мемлекет орнайтынын халық қаншалықты
қабылдағандығын бағалау мақсатында Түркістан қаласының тұрғындарының
арасында сауалнама жүргізілді (Қосымша Ә).
Сауалнама 2024 жылдың 01 наурызы мен 30 шы маусым аралығында
жүргізілді. Электронды Google.form платформасы арқылы сауалнама
сұрақтары жасақталып Whats App әлеуметтік желісі арқылы жолданды.
Сонымен қатар халық көп шоғырланған жерлерде қағаз түріндегі сауалнаманы

тарату арқылы да жүргізілді. Ол мекемелер Қ.А.Ясауи диагностикалық
клиникасы, Қалалық Талғат клиникасы, Қалалық халыққа қызмет көрсету
орталығының бас ғимараты, Халықаралық туризм және меймандостық
университеті, Қ.А.Ясауи атындағы халықаралық қазақ түрік университеті және
№23 Ж.Тәшенов атындағы қазақ орта мектеп гимназиясы болды. Сауалнама
сұрақтары бұған дейін «Good governance» және «Халық үніне құлақ асатын
мемлекет» концепциясын зерттеген отындық және шет елдік ғалымдардың
мақалалары мен осы тақырыпта жазылған диссертацияларды негізге ала
отырып жасақталды [238], [239], [240], [241]. Сұрақтардың құрылымы 3-
бөлімге бөлінді, олардың жауаптары (Лайкерт шкаласы бойынша 1-ден 5-ке
дейінгі балдық жүйе, категориялық – «жоғары», «орташа», «төмен» немесе
дихотомиялық – «иә/жоқ») нақты мәселені анықтау бойынша
қалыптастырылды.
Бірінші бөлім жалпы респондерттердің жеке басына қатысты сұрақтардан
қалыптасты, екінші бөлім концепциясының негізгі қағидаларын бағалауға
арналған сұрақтардан тұрды, ал үшінші бөлімде халықтың өмір сүру
сапасының негізгі критерийлері ретінде тұрғылықты жерідің негізгі салалары
бойынша қанағаттану дәрежесін көру, мемлекеттік қызметтерге баға беру және
мелекеттік органдар мен халық арасында сындарлы диалогты қалыптастыру

107