Page 12 - Диссертация к

Дүниежүзілік банк мәліметтері негізінде (The Worldwide Governance Indicators -
WGI) мемлекеттік басқару сапасының негізгі индикаторлары бойынша
Қазақстанның әлем елдерінің арасындағы соңғы 5 жылдағы орны талданды,
корреляциялық талдау нәтижесінде негізгі мәселелері анықталды. Екіншіден
Феноменологиялық (Phenomenological method) – яғни «Адамның нақты бір
тәжірибені субъективті түрде қабылдауын бағалау» әдісімен Түркістан халқы
арасында сауалнама жүргізілді. Бұл «Халық үніне құлақ асатын мемлекет»
концепциясын Түркістан қаласы халқының қабылдауының дәрежесін
анықтауға мүмкіндік берді, нәтижелеріне факторлық және Cronbach's αlpha
талдамалары жасалынды. Үшіншіден Түркістан қаласының әлеуметтік
жағдайына «Халық үніне құлақ асатын мемлекет» концепциясының әсерін
бағалау мақсатында статистикалық мәліметтер негізінде модель құрылып,
регрессиялық талдау жасалынды. Сонымен қатар Проблемалық-бағдарлық
сұхбат (Problem-centered interview method), яғни «бағалау», «кедергілерді
анықтау» және «ұсыныс беру» әдісі арқылы мемлекеттік қызметкерлерге
эксперттік сараптамалық сұхбат жүргізілді, нәтижесінде концепцияның негізгі
қағидаларының тиімді жүзеге асырылу дәрежесі талданды, кедергі келтіріп
отырған мәселелер анықталып, концепцияның жүзеге асырылу траекториясы
жасалынды. SWOT талдау жасалынады, нәтижесінде стратегиялық бағытқа
негізделген SPACE матрица құрылып жетілдіру жолдары бойынша ұсыныстар
әзірленеді. Мәліметтерді өңдеуде қазіргі уақытта кең қолданыстағы Tableau,
Jamovi, JASP, Smart Draw және R-studio biblioshiny бағдарламалары
пайдаланылады.
Зерттеу жұмысының теориялық маңыздылығы. «Халық үніне құлақ
асатын мемлекет» концепциясын зерттеу барысында алынған нәтижелер

теориялық тұрғыдан әрі қарай зерттеулер жүргізу үшін маңызды және алдағы
уақытта жаңа зерттеу міндеттерін қоюға негіз бола алады.
Зерттеу жұмысының практикалық маңыздылығы «Халық үніне құлақ
асатын мемлекет» концепциясын жүзеге асыру барысында мемлекеттік
органдар мемлекеттік маңызды шешімдер қабылдау үрдісіне азаматтарды тарту
және қатысу белсенділіктерін арттыру мақсатында, сонымен қатар мемлекеттік
органдардың тәжірибелік қызметінде және әр түрлі жаңа модельдер құру
барысында қолданылуы мүмкін.
Зерттеудің ақпараттық базасы.
Диссертациялық зерттеудің ақпараттық базасы ретінде алғашқы және
екіншілік мәліметтер қолданылды. Алғашқы деректер көзі ретінде
диссертацияның бейіні бойынша Түркістан қаласының тұрғылықты халқы
арасында жүргізілген сауалнамаға қатысқан 720 респонденттің берген
жауаптар, 10 мемлекеттік қызметкерлер арасында жүргізілген тереңдетілген
эксперттік сараптамалық сұхбат нәтижесінен алынған деректер болды.
Екіншілік мәліметтер көзі: Қазақстан Республикасы Стратегиялық жоспарлау
және реформалар агенттігінің ұлттық статистика бюросының статистикалық
деректері, Ақпараттық-коммуникациялық технологияларды дамытуға бөлінген
жалпы шығындар, концепция жүзеге асыру мақсатында қабылданған заңдар,
Дүниежүзілік банк мәліметтері, Ашық үкімет порталының, 109, 1310, Е-өтініш,

12