Page 13 - Диссертация к

Ашық әкімдік бірыңғай байланыс жүйелерінің есептері, Түркістан қаласының
әкімдігіне тікелей келіп түскен халықтың сауалдары, Әкіммен кездесулерде
қарастырылған өтініштер, Түркістан қаласы әкімі мен әкім орынбасарларының
әлеуметтік желідегі белсенділігінің Google analitics құралы арқылы талданып
алынған мәліметтері мен отандық және шет елдік ғалымдардың еңбектері
болды.
Күтілетін нәтижелер Түркістан қаласы әкімдігі «Халық үніне құлақ
асатын мемлекет» концепциясын жүзеге асыру барысында жоспарлаған
жобаларын іске асыру мен нәтижелерге қол жеткізу мақсатында пайдаланылуы
мүмкін. Бұдан басқа зерттеу нәтижелері «Мемлекеттік және жергілікті басқару»
білім беру бағдарламаларының негізгі базалық пәндерін жүргізу барысында
қолдануға болады.
Зерттеу нәтижелерінің жарияланымдары. Диссертация тақырыбы
бойыншы 9 ғылыми еңбек жарияланды, оның ішінде Scopus деректер базасына
кіретін журналда - 2 мақала, Қазақстан Республикасының Ғылым және жоғары
білім саласында сапаны қамтамасыз ету комитеті ұсынатын ғылыми
басылымдар тізбесіндегі журналдарға - 5 және Халықаралық ғылыми-
тәжірибелік конференция материалында - 2 мақала жарияланды.
Диссертация құрылымы. Жұмыс кіріспеден, үш тараудан,
қорытындыдан, пайдаланылған дереккөздер мен қосымшалардан тұрады.
Жұмыстың негізгі мазмұны 179 беттен тұрады, 45 сурет 47 кестені қамтиды.
Бірінші бөлім зерттеудің теориялық-әдіснамасының мазмұнын, қалыптасу
жағдайы мен эвалюциясын жан-жақты қарастырып ашуға бағытталған. Екінші
бөлімде зерттеу тақырыбының мақсаттары мен міндеттерін ашуға бағытталған
әдіснамалық және сараптамалық зерттеу мен негізгі анықталған мәселелер

талданған. Үшінші бөлімде зерттеу нәтижелері негізінде пайда болған
мәселелерді қарастырып тиімді шешу жолдары ұсынылған.

13