Page 16 - Диссертация к

қолжетімділігі мен пайдаланудың ыңғайлылығын қамтамасыз етті. Сондай-ақ
шешім қабылдау кезінде азаматтардың пікірінің ашықтығын,
конструктивтілігін және ақпараттармен дер кезінде қамтамасыз ету мүмкіндігін
кеңейтті.
New Public Passion. Жаңа қоғамдық құлшыныс тұжырымдамасы қоғамға
қызмет етуге деген ішкі құмарлықты ояту арқылы мемлекеттік қызметкерлердің
мотивациясын арттыруға бағытталған мемлекеттік басқарудағы жаңа парадигма
ретінде пайда болды. Ол мемлекеттік қызметшілердің өз ісіне деген адалдығын,
олардың қатысуын және ұзақ мерзімді нәтижелерге бағдарлануын күшейтетін
жағдайларды жасауға бағытталған. New Public Passion идеясы, бұл адами
фактордың, эмоционалды интеллекттің және қоғамға пайда әкелуге деген
ұмтылыстың маңыздылығын көрсететін саясатты қолдау болып табылады. Бұл
туралы алғашқы деректерді 2000-шы жылдардың басында, мемлекеттік басқару
саласындағы ғалымдардың назары таза менеджмент тәсілдерінен
құндылықтарға бағдарлануға ауыса бастаған кезбен байланыстыруға болады
[25].
New Public Passion мемлекеттік басқаруды модернизациялаудың қуатты
құралы болып табылады. Бұл мемлекеттік аппарат жұмысын жақсартуға ықпал
етіп қана қоймай, мемлекеттік қызметшілердің шынайы құлшынысы мен
құмарлығы арқылы азаматтардың билікке деген сенімін қалыптастырады [34].
Smart Governance. Ақылды басқару әкімшілік үрдістерді
автоматтандыруға және оңтайландыруға, сонымен қатар азаматтарды шешім
қабылдау үрдісіне белсенді тартуға, басқарудағы ашықтықты құруға және
тұрақты дамуды қамтамасыз етуге бағытталған. Бұл мемлекеттік басқарудың
тиімділігін арттыру үшін цифрлық технологиялар мен инновацияларды

пайдалану маңызды [35].
Smart Governance 2000 жылдардың басында электронды үкіметті құру
шеңберінде дами бастады. Оған басты назар 2010 жылдары интернеттің, үлкен
дерект және жасанды интеллекттің дамуымен пайда болды [36].
В.Целлардың айтуынша Smart Governance-бұл динамикалық және
инклюзивті басқару үрдістерін құруға бағытталған электрондық үкіметтің
эволюциясы деп санайды [37].
Э.Руижер, В.Аноук мен Т.Хакер технологияның азаматтардың ашықтығы
мен сенімін арттыру үшін адами капиталды дамытумен қатар жүруі керек
екенін атап көрсетеді [38].
Көріп отырғанымыздай мемлекеттік басқару бірнеше тарихи кезеңдерден
өтіп, цифрлық басқару мен ақылды басқаруға көшіп, бұл басқарудың
ашықтығы мен тиімділігін арттыруға алып келген. Цифрлық технологиялар
азаматтарға өз пікірлерін білдіруге мүмкіндік беріп, басқаруды қол жетімді
ететінін дәлелдеді.
Good Governance. Тиімді басқару – бұл «шығармашылық еркіндік»,
«ақпараттық ағындар еркіндігі», «жеке тұлғалардың қатысу еркіндігі», «жедел
әрекет ету» және «әділеттілік пен инклюзивтілік» мағыналарымен тығыз
байланысты. «Good Governance» концепциясының маңыздылығын ең алғаш рет
1992 жылы Дүниежүзілік Банк [39] халықаралық ұйымы атап өткен болатын.

16