Page 17 - Диссертация к

Ал 2012 жылы Нью-Йорктегі Біріккен Ұлттар Ұйымының ұлттық және
халықаралық деңгейлердегі мәселесі бойынша Бас Ассамблеяның отырысында
«Good Governance» концепциясы үш негізгі бағытын белгілеу арқылы, олар:
халықаралық бейбітшілік пен қауіпсіздік, адам құқықтары және даму
салаларын одан әрі нығайту үшін заң үстемдігі мен оның іргелі
маңыздылығының декларациясын қайта қабылдаған болатын [40]. Осы
ұйымдардың зерттеулерінде бұл саясаттың алғаш рет «концепция» ретінде
анықтамасы берілді. Яғни «Good Governance» концепциясы тиімді және әділ
әкімшілік үрдістер арқылы қоғамдық сенімді жақсарту идеяларын алға тартып
«адам әлеуетін дамыту саясаты» атты жаңа көзқарасын ашып көрсеткен
болатын, бұнда саясаттың жүзеге асырылуындағы алты аспектісін бөліп
көрсетті [41], [42]:
1. Халықтың дауыс беру құқығы;
2. Мемлекеттік органдардың есеп берулері;
3. Саяси тұрақтылық және зорлық-зомбылық/терроризмнің болмауы;
4. Үкіметтің тиімділігі;
5. Заңнаманың сапасы мен Заңның үстемдігі;
6. Сыбайлас жемқорлыққа қарсы күрес.
«Good Governance» концепциясының маңыздылығы дәстүрлі әкімшілік
әдістер мен Үкіметтің бақылауын айтарлықтай төмендетіп, мемлекеттік
басқаруды тиімділікке бағыттай отырып түбегейлі өзгертуінде. «Good
Governance» концепциясы сонымен қатар тұрақты даму мен әлеуметтік
әділеттілікке ықпал ететін заңның үстемдігі мен азаматтардың қатысуы
қағидаларын қолдайды [43].
Концепция - бұл белгілі бір құбылысты, процесті немесе жүйені

түсіндіруге, құрылымдауға және болжауға бағытталған идеялардың, қағидалар
мен тәсілдердің ғылыми негізделген кешені. Ол зерттеудің негізгі бағыттарын,
мақсаттары мен әдістерін анықтай отырып, оның әдіснамалық негізін
қалыптастырады. Концепция зерттелетін объектінің мәнін ашуға, оның ішкі
заңдылықтарын жүйелеуге, себеп-салдар байланыстарын орнатуға мүмкіндік
береді. Сонымен қатар, ол тиімді шешімдер қабылдауға және стратегиялық
жоспарлауға негіз бола отырып, теория мен практиканы біріктіру құралы
ретінде қызмет етеді [44].
Оның мемлекеттік басқарудағы функциялары келесідей болып жіктеледі
(кесте 1):

Кесте 1 - Концепцияның мемлекеттік басқарудағы функциялары

Бағыты Функциялары
Мазмұндық Теориялық функция - Мемлекеттік басқарудың ғылыми негіздемесін
бағыт қалыптастырады, негізгі ұғымдарды, модельдер мен тәсілдерді анықтайды.
бойынша: Практикалық функция - мемлекеттік реттеу мен билікті жүзеге асыруда
тиімді тетіктерін әзірлеуге және енгізуге бағытталған.

17