Page 22 - Диссертация к

Осылардың арасындағы қатынастардың толықтай сипаттамасы келесідей
(кесте 3):
Кесте 3 – Коммуникациялық қоғамның негізгі салаларының сипаттамасы

Қоғам салалары Қоғамдық қатынастар
Экономикалық сала Материалдық тауарларды өндіру, бөлу, тұтыну кезінде қалыптасатын
меншік қатынастары
Әлеуметтік Топтар, ұлттар, кәсіптік және жас шамасы арасындағы әлеуметтік
қатынастар кепілдіктерді қамтамасыз ету кезіндегі қатынастар
Саяси сала Азаматтық қоғам мен мемлекет арасындағы, мемлекет пен саяси
партиялар арасындағы қатынастар
Рухани өмір Рухани құндылықтарды құру, оларды тарату, сақтау, пайдалану
үрдісінде туындайтын қатынастар
Ескерту - Дереккөз негізінде автор құрастырған [59]

Қазақстандық авторлар А.Жолдыбалина мен М.Нургалиева өздерінің
ғылыми зерттеулерінде әлеуметтік желілер арқылы билік пен халықтың өз ара
қарым қатынасы жайлы терең зерттеген. Олар әлеуметтік желілер мен басқа да
онлайн платформалардың дамуымен әлеуметтік өзара әрекеттесудің жаңа
тәсілдерінің кең таралатындығын, нәтижесінде қоғамдық диалогта кеңірек
мүмкіндіктердің пайда болуы және азаматтар мен билік арасындағы тең
құқыққа қол жеткізу үшін жағдай жасалатынын атады [16]. Бұл мемлекеттік
басқару жүйесінде диалогтың электрондық нысанын қалыптастыруға жол
ашатындығын, бұл азаматтарға өз пікірлерін, идеялары мен ұсыныстарын
білдіруге, сондай-ақ мемлекеттік мәселелерді талқылауға қатысуға мүмкіндік
беретінін көрсетті. Мұндай платформалардың, форумдардың, онлайн-
кеңестердің, сауалнамалардың және басқа да жаңа өзара әрекеттесу тетіктерінің
жыл санап арта беретіндігі мүмкін деп қорытынды жасады.
Л.Қалғанова «Мемлекеттік басқарудағы кері байланыс тетіктерінің
әрекеті» мақаласында қоғам мен мемлекеттік органдар арасындағы өзара
әрекеттестіктің кемшіліктерін атап, мұндай кемшіліктерді жоюда бұқаралық
ақпарат құралдарының маңызды рөлін көрсетеді. БАҚ қызметінің тиімділігін
арттыру кез келген мемлекет үшін маңызды фактор болып табылатындығына
тоқталды [17]
Э.Авзалова «Интернет платформалар арқылы қатысу – азаматтардың
саяси қатысуының жаңа формасы ретінде» мақаласында интернет-
технологиялар арқылы саяси қатысудың артықшылықтарын атап, оның
географиялық және мәдени шектеулерді жойып, топтық интеграцияны
күшейтетінін және саяси мәселелерге жылдам жауап алуға мүмкіндік беретінін
айтты. Сонымен қатар, интернет арқылы қатысу азаматтардың қоғамдық
мәселелерін шешуде үкіметтік, үкіметтік емес құрылымдар мен саяси
партияларды тарту мүмкіндігін арттыратынын атап өтті [18].
Шет елдік және отандық авторлардың біразы «Халық үніне құлақ асатын
мемлекет» пен «Good governance» концепцияларын жүзеге асыруда орын
алатын мәселелер мен концепциялардың кемшіліктері жайлы да атап өткен.

22