Page 25 - Диссертация к

4 - кестенің жалғасы
Бағалау тек өткен жетістіктер мен кемшіліктерді тіркеумен
шектелмей, болашақтағы жетілдіру мен тиімді жоспарлауға
Дамуға бағытталуы тиіс. Бұл қағида негізінде алынған тұжырымдар жаңа
бағдарлану
4 саяси бастамаларды қалыптастыруға, бар бағдарламаларды
(Development- оңтайландыруға және ресурстарды тиімді бөлуге мүмкіндік береді.
orientation)
Бағалау жазалау құралы емес, оқу мен даму құралы ретінде
қарастырылады.
Ескерту - Дереккөз негізінде автор құрастырған [73], [74], [75]

Қорытындылай келе, зерттеу нәтижелері қоғам мен мемлекеттік органдар
арасындағы диалогтың тиімділігі интернет-платформалар мен әлеуметтік
желілерді пайдалану арқылы күшейтілетіндігін, бұл азаматтарға мемлекеттік
мәселелерді талқылауға қатысуға және өз ұсыныстарын енгізуге мүмкіндік
беретіндігінде екендігін көрсетті. Сонымен қатар, бұқаралық ақпарат
құралдары мен кері байланыс механизмдерінің маңызды рөлі мен саясатты
табысты іске асыру үшін коммуникацияны нығайту және қоғамның барлық
салаларында өзара іс-қимылды жақсарту талап етілетіндігіне баса назар
аударылды. Бұл әсіресе экономика, әлеуметтік өмір, саясат және рухани
мәдениет сияқты салаларда маңызды. Жаңа технологиялар мен онлайн-
платформалар азаматтық белсенділікті арттыруға және тиімді басқаруды
қалыптастыруға ықпал ете отырып, қоғам мен мемлекет арасындағы диалогтың
жаңа деңгейін қамтамасыз ететіндігі ерекше аталып өтті.
Сонымен қатар «Халық үніне құлақ асатын мемлекет» және «Good
Governance» концепциясын жүзеге асыру барысында негізгі мәселелері мен
кемшіліктері ретінде сыбайлас жемқорлық деңгейінің жоғары болуы,
ашықтықтың жеткіліксіздігі, институционалдық реформалардың әлсіздігі,
сондай-ақ халықтың шешім қабылдау үрдісіне формальды түрде қатысуы
екенін көрсетті. Бұл қағидалардың әрқайсысы мемлекеттің басқару жүйесін
жетілдіруге, азаматтардың құқықтарын қорғауға, қоғамның тұрақтылығын

арттыруға бағытталған. Осы қағидаларды тәжірибеге енгізу арқылы, мемлекет
өзінің азаматтарына сапалы және әділ қызмет көрсетуге, экономикалық және
әлеуметтік тұрақтылықты қамтамасыз етуге мүмкіндік алады.
Зерттеу жұмысының бірінші міндеті ретінде біздің тұжырымдамамыз,
«Good Governance концепциясы мемлекеттік органдардың есептілігі,
ашықтығы және қоғамның тұрақты дамуына бағытталған басқарудың
тиімді моделі, ол бірінші орынға халықтың мүдделерін қорғау мен
қанағаттануларын қояды», ал «Халық үніне құлақ асатын мемлекет
концепциясы цифрлық технологиялар арқылы цифрлық мемлекетті
қалыптастыруды көздейді, сол арқылы мемлекет пен қоғам арасындағы
сындарлы диалогты құруға және тиімді мемлекетті қалыптастыруға
бағытталған саясат» деген қорытындыға келдік.
Талдау негізінде біз өзіміздің авторлық анықтамамыз ретінде «Good
Governance концепциясы бірінші орынға халықтың мүддесін қояды, ал «Халық
үніне құлақ асатын мемлекет тиімді мемлекетті қалыптастыруды көздейді»

25