Page 26 - Диссертация к

деп санаймыз. Атап айтқанда екі концепцияның бір мақсаты бар ол
азаматтардың құқықтары мен бостандықтарын қорғау арқылы
демократиялық үрдістерді дамыту, нәтижесінде сенімді және тиімді
мемлекеттік басқару тетіктерін құру» деген тұжырымды қолдаймыз.
«Азаматтардың құқықтары мен бостандықтарын қорғау» - бұл
адамның өміріне, ар-намысы мен еркіндігіне қол сұғылмауын қамтамасыз
ететін, конституциялық мәртебесін сақтау мен заңды мүдделерін жүзеге
асыруға мүмкіндік беретін құқықтық, әкімшілік және соттық шаралардың
кешенді жүйесі. Бұл жүйе әділеттілік, теңдік, еркін даму қағидаларына
негізделіп, мемлекеттің және қоғамның құқықтық саясаты арқылы іске асады
[76].
«Демократиялық үрдістерді дамыту» - бұл мемлекеттік биліктің
ашықтығы мен қоғам алдындағы жауапкершілігін арттыруға бағытталған саяси,
құқықтық және институционалдық өзгерістердің жүйелі үдерісі. Бұл үдеріс
азаматтық қоғамды қалыптастыруға, халықтың шешім қабылдау үдерісіне
қатысуын кеңейтуге және құқықтық мемлекет қағидаларын нығайтуға септігін
тигізеді [77].
«Сенімді және тиімді мемлекеттік басқару тетіктерін құру» - бұл
мемлекеттік басқарудың сапасы мен айқындығын арттыруға, мемлекеттік
органдардың азаматтарға деген жауапкершілігін қамтамасыз етуге және
олардың мемлекеттік функцияларды орындаудағы тиімділігін көтеруге
бағытталған жүйелер мен құрылымдарды әзірлеу және енгізу үдерісі. Бұл
процесс заңнамалық, әкімшілік және басқарушылық тәжірибелерді жетілдіруді
қамтиды, бұл өз кезегінде азаматтардың билік органдарына деген сенімін
нығайтып, қоғам мен экономиканың тұрақты дамуы үшін жағдайлар жасайды

[78].
Мемлекеттік басқару жүйесінің «Good Governance» және «Халық үніне
құлақ асатын мемлекет» тақырыбы бойынша шет елдік және отандық ғылыми
зерттеу жұмыстарының соңғы 10 жылдағы өзектілігін зерттеу мақсатында 2014
пен 2024 жылдар аралығындағы ғылыми басылымдарды зерделей келе, Scopus,
WoS, Science Direct, Elibrary, Cyberleninka және Google Scholar сияқты
халықаралық ғылыми деректер базалары қарастырылды. Деректер базасына
«Good Governance» және «Халық үніне құлақ асатын мемлекет» кілт сөздерін
енгізу кезінде тақырыптың маңыздылығының терең зерттелінгендігі белгілі
болды. Google Scholar базасында - 238 100 құжат, Scopus базасында - 6555
құжат, WoS базасында – 4421 құжат, Science Direct -3590 құжат, Elibrary-922
құжат, Cyberleninka -794 құжат. Жалпы саны 2014 жылдан 2024 жыл
аралығында көлемі 477 382 құжаттар бар (сурет 4).

26