Page 34 - Диссертация к

қамтамасыз етуге бағытталаған, оның негізінде «Жауапкершілік»,
«Міндеттеме» және «Бірегейлік» жатыр. Өйткені бұл саясатты тиімді
жүзеге асырудың маңызды тұсы концепция қағидаларының барлығының
механизм ретінде біркелкі жүзеге асырылуын қамтамасыз етуде, бұлар өз ара
тығыз байланысты, біреуінің дұрыс жұмыс істемеуі басқаларна кері әсері бар,
бірдей жүзеге асырылған жағдайда ғана адамдарға бағдарланған сервистік
мемлекеттік басқару жүйесін қамтамасыз етуге мүмкіндік болады деп
санаймыз (сурет 7).

Сурет 7- Концепция қағидаларының өзара байланысы

Ескерту - Зерттеу нәтижесі негізінде автор құрастырған

«Жауапкершілік» – бұл субъектінің (мемлекеттік органдар, халық) өз іс-
әрекеттері немесе шешімдерінің салдарын түсінуі және қабылдауы, сондай-ақ
олардың нәтижелері үшін моральдық, құқықтық немесе кәсіби тұрғыдан жауап
беру міндеті [97]. «Міндеттеме» – құқықтық, моральдық немесе шарттық
нормалармен белгіленген бір іс-әрекеттерді орындау немесе талаптарды сақтау
қажеттілігін білдіретін және субъектінің (мемлекеттік органдар, халық) тиісті
жауапкершілік деңгейін айқындайтын міндеті [98]. «Бірегейлік» – объектінің
немесе құбылыстың өзіндік ерекшеліктерінің жиынтығы, оны өзгелерден
ажырататын, тұтастығын, өзіндік болмысын және уақыт ағымында
тұрақтылығын қамтамасыз ететін қасиет [99].
Осы қағидалардың тиімді жүзеге асырылуында өзіндік ерекшеліктеріне
тән құралдары бар. Олардың маңызды түрлері келесідей:
Қоғамдық ұйымдар мен үкіметтік емес ұйымдардың (ҮЕҰ)
мүмкіндіктерін кеңейту концепцияны жүзеге асыруда шешуші рөл атқаратын
құралдарының бірі. Олардың тиімділігі мен тұрақтылығы демократиялық
басқаруды нығайтуға және әлеуметтік мәселелерді шешуге ықпал етеді.
Б.Игошев пен Л.Рубина «Қоғамдық қатысу», «Азаматтық қатысу» және
«Саяси қатысу» ұғымдарын жеке-жеке талқылап қарастырған болатын және
«Билік пен қоғам арасындағы ұйымдасқан өзара әрекеттесу үрдісі»

34