Page 36 - Диссертация к

тарату және билік органдарының қызметіне мониторинг жүргізу арқылы БАҚ
өкілдігі мемлекеттік басқарудың тиімділігін арттыруға ықпал етеді. «Ақпарат» -
бұл қоршаған шындық туралы мәліметтерді қабылдау, сақтау, өңдеу және
тарату үдерісінде қолданылатын мағыналы деректер жиынтығы. Ол субъектінің
танымдық әрекетіне ықпал етіп, негізделген шешім қабылдауға негіз болады.
Ақпараттың мәні - оның мазмұндылығы, пайдалылығы және мақсатқа
бағытталғандығында [102].
БАҚ азаматтардың Үкіметтің шешімдері, реформалары және саясаты
туралы хабардар болуын қамтамасыз етеді. Журналистік тергеулер мен сыни
материалдар қоғамдағы заң үстемдігі мен әділеттілікті нығайтуға ықпал ете
отырып сыбайлас жемқорлық жағдайларын анықтауға мүмкіндік береді. БАҚ-
тың бақылау функциясы мемлекеттік органдардың есептілігін арттыру үшін
маңызды, өйткені ол азаматтар мен билік арасындағы байланысты нығайтуға
және демократиялық процестердің дамуына ықпал етеді [103].
Әлеуметтік желілінің дамуымен әлеуметтік өзара әрекеттесудің жаңа
тәсілдері кең таралды. Олар азаматтардың қоғамдық диалогқа көбірек
қатысуына мүмкіндік береді және азаматтар мен билік арасындағы тең құқыққа
қол жеткізу үшін жағдай жасайды. Бұл мемлекеттік басқару жүйесінде
диалогтың электрондық нысанын қалыптастыруға жол ашады. Бұл азаматтарға
өз пікірлерін, идеялары мен ұсыныстарын білдіруге, сондай-ақ мемлекеттік
мәселелерді талқылауға қатысуға мүмкіндік береді. Сонымен қатар бұл басқада
тиімді байланыс құралдарын әзірлеу мен енгізуді қамтамасыз етеді. Бұл
форумдар ұйымдастыру, онлайн-кеңестер беру, сауалнамалар өткізу және басқа
да өзара әрекеттесу тетіктерін қамтуы мүмкін [104].
Онлайн петициялар концепцияны жүзеге асырудың тағы бір құралы.

Екіжақты байланыс орнатудың және азаматтарды шешім қабылдау үрдісіне
тартудың тиімді құралдарының бірі онлайн-петициялар сияқты құрал болып
табылады. Азаматтармен өзара іс-қимылдың бұл тәсілі өңірлік және
халықаралық деңгейде сәтті қолданылып келеді.
Мемлекеттік қызметтерді электрондық нысанда алуға арналған
ақпараттық жүйе арқылы аутентификациядан өткен елдің барлық кәмелетке
толған азаматтары өз бастамаларын жолдай алады және дауыс бере алады.
Бастама порталда жарияланғанға дейін ол міндетті сараптамадан өтуі
керек, оның мерзімі әр елде әр түрлі белгіленген. Сайттың айрықша ерекшелігі
- бастамаға «қарсы» және «қарсы емес» дауыс беру мүмкіндігінде [105].
Сәтті петиция үшін мәселені нақты көрсету, оны фактілермен және
статистикамен нығайту, сондай-ақ нақты және орындалатын шешімдерді ұсыну
маңызды. Мәтін заңнамаға сәйкес болуы керек және кемсітушілік немесе
арандатушылық талаптарды қамтымауы керек. Петиция тек автор үшін емес,
қоғам үшін маңызды мәселеге қатысты болуы керек. Платформада тіркелгеннен
кейін қарастыру үшін 50 000 қол жинауы керек талабы қойылған.
Петицияның тиімділігі көбінесе оның алға жылжуына байланысты. Ол
үшін әлеуметтік медианы пайдалану, пікір жетекшілері мен сарапшыларды
тарту, сондай-ақ инфографика мен бейнематериалдар арқылы мәселені
түсіндіру маңызды. Жақсы құрастырылған және жақсы ұйымдастырылған

36