Page 39 - Диссертация к

Open API (Open Application Programming Integration - ашық қолданбалы
бағдарламалар интеграциясы) интерфейс спецификациясын қолдану көптеген
мемлекеттерде «Good governance» концепциясының қағидаларын жүзеге
асыруда кеңінен қолданылады [117]. Ол алғаш рет Swagger деген атаумен 2010
жылы Трой Мерсер мен оның командасы тарапынан АҚШ-та ойлап табылды.
Swagger бастапқыда API құжаттамасын автоматтандыру мен жүйелендіру
мақсатында жасалған болатын, кейін ол OpenAPI integration спецификациясына
айналды. Қарапайым тілмен айтқанда, интерфейс - көптеген жүйе немесе
құрылғыны бір-бірімен байланыстыру үшін пайдаланатын «көпір» қызметін
тақарады [118].
OpenAPI - әрбір портал мен платформаларға, сайттарға байланыстар мен
рұқсаттар беруге арналған белгілі ат пен код беріп шығады. Сол арқылы бір
біріне интеграция жасауға көмектеседі. OpenAPI спецификациясы бүгінде
әлемнің көптеген елдерінде кеңінен қолданылады, өйткені ол API
әзірлеушілеріне және ұйымдарға өздерінің API жүйелерін стандартталған
форматта сипаттауға мүмкіндік береді
Open Government Partnership (OGP - Ашық үкімет әріптестігі)
халықаралық ұйымына елдердің мүшелік етуі де концепцияны жүзеге
асырудың бір құралы болып саналады. Ашық үкімет әріптестігі халықаралық
ұйымы 2011 жылы құрылған оның мақсаты — мемлекеттік басқаруда
ашықтықты қамтамасыз ету, азаматтардың қатысуын арттыру және сыбайлас
жемқорлықпен күресу. Қазіргі таңда ұйым құрамында 70-тен астам мемлекет
бар. Ашық үкімет тұжырымдамасы мемлекеттік органдардың қоғам алдында
есеп беруін, ақпаратқа еркін қолжетімділікті және технологиялық
жаңашылдықтарды қолдануды көздейді. Мемлекеттердің OGP-ге мүше болуы

үшін кемінде үш бағытты іске асыруы қажет олар: біріншіден ақпаратқа
қолжетімділік, екіншіден бюджеттік ашықтық, үшіншіден сыбайлас
жемқорлықпен күрес және азаматтық бостандықтар саласы. Сонымен қатар,
ұлттық іс-қимыл жоспары азаматтық қоғаммен бірлесіп дайындалуы және
жүзеге асырылуы тиіс [119].
Жергілікті өзін-өзі басқаруды дамытуда концепцияны жүзеге асырудың
тиімді құралының бірі. Жергілікті атқарушы органдар жергілікті биліктің
негізгі деңгейі болып табылады және мемлекеттік саясатты жүзеге асыруға
және өз аумақтарында әл-ауқатты қамтамасыз етуге тікелей жауапты.
Әкімдіктер мен әкімдердің халықпен сенімді қарым-қатынас орнатуы, оның
пікірлерін, ұсыныстары мен қажеттіліктерін ескеруі, сондай-ақ азаматтармен
ашық диалогты қамтамасыз етуі маңызды. Жергілікті басқару деңгейінде
жиналыстар, қоғамдық тыңдаулар, форумдар мен референдумдар өткізу
азаматтардың басқару үдерісіне белсенді қатысуын ынталандырады. Сонымен
қатар, халықты ақпараттандыру олардың мемлекеттік басқару жүйесіне деген
сенімін нығайтып, қоғамдық белсенділікті арттыруға ықпал етеді [120].
Бұл азаматтардың жергілікті деңгейде басқару және шешім қабылдау
үрдісіне қатысуының маңыздылығын көрсетеді. Жергілікті атқарушы орган
(ЖАО) мен халық арасындағы өзара іс-қимыл, жергілікті қажеттіліктерге
неғұрлым тиімді және бейімделген өңірлердің дамуына ықпал етеді [121].

39