Page 41 - Диссертация к

экономикалық даму және әлеуметтік жауапкершілік сияқты өзекті бағыттарды
кешенді талдауға мүмкіндік береді. Атап айтқанда, шетелдік ғалымдардың
«Good governance» концепциясын зерттеуде пайдаланған әдістері ерекше мәнге
ие.
Диссертациялық жұмыстың бірінші бөлімінде «Good governance» және
«Халық үніне құлақ асатын мемлекет» тұжырымдамаларының теориялық
негіздері тарихи-хронологиялық әдіс арқылы зерттелді. Тарихи-хронологиялық
әдіс – бұл зерттеу нысанының даму эволюциясын кезең-кезеңімен сипаттауға,
сондай-ақ себеп-салдарлық байланыстарды айқындауға мүмкіндік береді.
Хронологиялық жүйелеу арқылы белгілі бір құбылыстың немесе үдерістің
тарихи негіздерін тереңірек түсінуге жол ашады [128].
Good Governance концепциясы зерттеулерде әдіснамалық бағыт - бағдар
немесе ғылыми парадигма ретінде қолданылуы мүмкін. Өйткені бұл
тұжырымдама мемлекеттік институттардың қызметін бағалауда қолданылатын
құндылықтықтар мен нормативтік өлшемдерді белгілейді, басқару тетіктері мен
құралдарын таңдауға бағыт беретін әдіснамалық негізді қалыптастырады.
сонымен қатар басқарудың тиімділігі, азаматтардың шешім қабылдау процесіне
қатысу деңгейі, мемлекеттің ашықтығы мен есептілігі секілді өлшемдерді
бағалауға көмектесетін талдау көкжиегін ұсынады. Осы тұрғыдан, Good
Governance концепциясын кешенді зерттеу тәсіл ретінде қарастырылып, келесі
бағыттарды үйлестіреді:
- институционалдық талдау (институттар, нормалар және рәсімдерді
қарастыру);
- партисипативтік көзқарас (қоғамның басқару процесіне қатысуын
негіздеу);

- құндылықтық-гуманистік ұстаным (адам құқықтарына, әділеттілікке
бағдарлану);
- коммуникативтік тәсіл (билік пен қоғам арасындағы өзара ашық диалог
пен есептілік тетіктерін дамыту).
Бұдан кейін «Good governance» және «Халық үніне құлақ асатын
мемлекет» концепциясының қағидалары мен негізгі жүзеге асыру әдіс -
тәсілдеріне салыстырмалы және контент талдау жасалынды. Салыстырмалы
талдау – бұл әртүрлі басқару жүйелерін, әдіс - тәсілдер мен практикаларды
салыстыруға мүмкіндік берді. Бұл әдіс үздік тәжірибелерді анықтап, басқару
модельдерінің табысты болуына әсер ететін факторларды түсінуге, сондай-ақ
жүйені жақсарту үшін қажетті аспектілерді анықтауға мүмкіндік береді, ал
Контент талдау – бұл мәтіндік, визуалдық немесе аудиоматериалдардағы
мазмұнды жүйелі түрде зерттеуге негізделген әдіс. Ол белгілі бір ұғымдардың,
тақырыптардың, идеялардың, сөздердің немесе мағыналық құрылымдардың
қайталану жиілігін және олардың қолданылатын контекстін анықтауға
бағытталады. [129].
Диссертациялық жұмыстың екінші бөлімінде сандық және сапалық
зерттеу әдістері қолданылды [130], оның ішінде модель құру арқылы
статистикалық талдау әдісі жасалынды, ол сандық деректерді жинау, өңдеу
және қорытындылау үдерістерін қамтыды. Статистикалық әдістер – бұл

41