Page 44 - Диссертация к

бақылауға мүмкіндік береді. Швецияда 100 000-нан астам коммерциялық емес
ұйымдар тіркелген, бұл азаматтардың қоғамдық өмірге қатысуының жоғары
дәрежесін көрсетеді [138].
Бұл елде жергілікті басқару рөлі басты орынды алады. Жергілікті өзін-өзі
басқару дәстүрлері 1862 жылдан басталған және муниципалитеттер мен
аймақтар айтарлықтай автономияға ие, бұл азаматтарға жергілікті
қауымдастықтарға қатысты шешімдер қабылдауға тікелей қатысуға мүмкіндік
береді. Елде 290 муниципалитет және 21 аймақ бар, олардың әрқайсысының өз
билігі бар, бұл орталықсыздандыруға және басқарудың тиімділігін арттыруға
ықпал етеді [139].
Сонымен қатар Швецияда сөз бостандығы және БАҚ қызметіне ерекше
көңіл бөлінеді. Сөз бостандығына кепілдік беріле отырып, бұл азаматтарға
биліктің әрекеттерін еркін талқылауға және сынауға мүмкіндік береді. Еркін
және тәуелсіз бұқаралық ақпарат құралдары қоғамды ақпараттандыруда және
қоғамдық пікірталас алаңы мен қоғамдық бақылауды қамтамасыз етуде
маңызды рөл атқарады [140]. Сонымен қатар Швециядағы азаматтық
бірлестіктер мигранттарды қолдау және олардың қоғамға интеграциясын
жеделдету арқылы әлеуметтік теңсіздікті төмендетуге ықпал етті [141].
Бұл тетіктер мен тәжірибелер азаматтардың биліктің барлық
деңгейлерінде басқару және шешім қабылдау үрдістеріне белсенді қатысуын
қамтамасыз ете отырып, Швецияда «Қатысу» қағидасын тиімді жүзеге асыруға
ықпал етеді.
Швеция цифрландырудың жоғары деңгейін көрсетіп, демократияны
нығайтуға және азаматтардың басқару үрдістеріне қатысуын арттыруға
бағытталған жүйелерді тиімді жүзеге асырып келеді. Қатысу қағидасы цифрлық

платформалар арқылы іске асырылады, бұл азаматтарға өз пікірлерін білдіруге,
қоғамдық маңызды мәселелерді талқылауға және шешім қабылдауға белсенді
қатысуға мүмкіндік береді [142].
Мысалы, электронды дауыс беру жүйелері мен қоғамдық талқылау -
платформалары, соның ішінде «One share-one vote, яғни «бір акция-бір дауыс»
жүйесі азаматтардың саяси үрдістерге қатысуын жеңілдетті [143]. Сонымен
қатар, «E-Govrnment for Everyone» бағдарламасы мемлекеттік қызметтердің
онлайн-қолжетімділігін қамтамасыз ете отырып, азаматтардың басқару
жүйесіне қатысуын кеңейтеді [144]. Сонымен қатар мұнда «Öppenhet»
(ашықтық) қағидасына негізізделген азаматтарды әлеуметтік бағдарламалар,
зейнетақы реформалары және білім беру қызметтері туралы Ашық форумдар
мен онлайн-платформалар арқылы тұрақты түрде хабардар ету жүйесіде
енгізілген [145].
Сонымен қатар қызметтер туралы ақпараттандырылған азаматтар
ресурстарды ұтымды пайдалану мүмкіндігін арттырады, бұл өз кезегінде
мемлекеттік бюджетті оңтайландыруға ықпал етеді. Канадада денсаулық сақтау
саласындағы ақпараттық науқандар, соның ішінде COVID-19 вакцинациясы
бойынша кең көлемді хабарландырулар, халықтың қатысу деңгейін
жоғарылатып, төтенше жағдайлардың алдын алуға мүмкіндік берді[146].

44