Page 50 - Диссертация к

шығындар және билік қызметі туралы барлық ақпарат ресми веб-сайттар
арқылы қол жетімді, бұл есеп берудің жоғары деңгейіне ықпал етеді [173].
Канададағы Citizen Engagement Initiative бағдарламасы халықтың
мемлекеттік қызметтер сапасына баға беріп, оларды жақсарту жөнінде
ұсыныстар енгізуіне жағдай жасайды [174].
Open Banking API жүйесі - қаржы секторындағы банк қызметтерін
біріктіруде маңызды роль ақарады. Мемлекеттік қызметтер – платформа
«Canada.ca API» цифрлық мемлекеттік қызметтерді біріктіреді. «Көлік API»
қоғамдық көлікті басқару үшін қолданылады [175]. Азаматтар мен қоғамдық
ұйымдар Канададағы мемлекеттік органдардың есеп беру үрдісінде маңызды
рөл атқарады. Азаматтар заңнамадағы өзгерістер немесе федералды бюджет
жобалары сияқты маңызды мемлекеттік шешімдерге қатысты қоғамдық
тыңдаулар мен талқылауларға қатыса алады. Қоғамдық ұйымдар Үкіметтің іс-
әрекетін белсенді түрде бақылайды, егер олар мемлекеттік бағдарламаларды
жүзеге асырудағы құқық бұзушылықтар мен проблемаларды анықтаса, шағым
түсіре алады [176].
Әзірленген цифрлық платформалар азаматтарға үкіметтің қызметін
бақылауға және нақты уақыт режимінде ақпарат алуға мүмкіндік береді.
Блокчейн технологиялары мен басқа да инновациялық шешімдерді қолдану
деректердің ашықтығы мен қауіпсіздігін арттырады. Бұл шаралар азаматтардың
мемлекеттік органдарға деген сенімін нығайтуға және басқарудың тиімділігін
арттыруға ықпал етеді.
«Good Governance» концепциясының қағидаларын тиімді жүзеге асыруда
көптеген елдерде қолданылып келе жатқан OpenAPI integration интерфейсі
туралы айта кететін болсақ ол алғаш рет АҚШ-та пайда болғандықтан, бұл елде

оның қолданылуы өте кең. Еуропа елдерінде оның ішінде Германия,
Ұлыбритания, Франция, Нидерландияда OpenAPI жүйелі түрде қолданылады.
Бұл елдерде API интеграциясы мен дамуы бойынша бірнеше бастамалар мен
стандарттар іске асырылуда. OpenAPI әсіресе технологиялық даму деңгейі
жоғары аймақтарда кеңінен қолданылады. API әзірлеу мен интеграциясы қазіргі
заманның маңызды компоненттерінің бірі болып табылады [177].
Бұдан басқа дамыған мемлекеттерде «Good Governance» концепциясының
қағидалары негізінде көпетеген жетістіктерге жеткен. Ол қоғамдық қызметтер
туралы нақты және шынайы ақпарат алу мүмкіндіктерін (жәрдемақылар,
субсидиялар, әлеуметтік көмек) жалған ақпараттың, негізсіз алаңдаушылықтың
және қоғамдық наразылықтардың алдын алу іс-шараларын қатаң қолға алу
қызметтерімен ерекшеленеді. Мысалы АҚШ-та дағдарыстық жағдайларда,
табиғи апаттар кезінде, үкімет FEMA платформасы арқылы азаматтарды
қолжетімді көмек пен қызметтер туралы уақтылы хабардар етеді [178].
Сонымен қатар мұнда американдық азаматтық бостандықтар одағы (ACLU)
құрылған, ол азаматтардың конституциялық құқықтарын қорғап, заң үстемдігін
нығайтуда маңызды рөл атқарады [179]. Бұдан басақа бұл елде нәсілдік
кемсітушілікке қарсы күрес азаматтық бастамалары және адам құқықтарын
қорғау саласында реформалар маңызды рөл атқарды [180].

50