Page 51 - Диссертация к

Ал Сингапурда шағын және орта бизнесті дамытуға бағытталған
мемлекеттік гранттар жөніндегі ақпараттық бағдарламалар инновациялық
әлеуеттің өсуіне ықпал етті [181].
Нидерландыда болса Zorgverzekeringslijn интеграцияланған ұлттық
бағдарламасы медициналық қызметтер туралы ақпараттандыру арқылы
денсаулық сақтау жүйесін түсінікті және қолжетімді етті [182].
Жапонияда үкімет муниципалдық форумдар мен мобильді қосымшалар
арқылы жер сілкінісі кезінде қажетті іс-шаралар бойынша тұрақты түрде оқу-
жаттығу шараларын ұйымдастырып, ақпарат таратады [183].
Оңтүстік Кореяда People's Solidarity for Participatory Democracy ұйымы
сыбайлас жемқорлық істерін әшкерелеп, мемлекеттік реформаларды
ілгерілетуде маңызды рөл атқарады [184].
Ал, Эстонияның азаматтық секторы цифрлық басқару жүйесін дамытуға
белсене қатысып, елдің e-Estonia платформасын әзірлеуіне негіз болды, бұл оны
әлем елдері арасындағы цифрлық трансформация саласындағы көшбасшылар
қатарына қосты [185].
Австралияда жергілікті халықты қолдау бағдарламалары азаматтарды
мәдени мұраны сақтау мен аборигендер өмірін жақсартуға бағытталған
жобаларға тартуды көздейді [186].
Мемлекеттік басқарудың жаңа жүйесінің нәтижелілігін бағалау үшін
халықаралық деңгейде бірқатар арнайы индекстер мен рейтингтер
қолданылады. Дүниежүзілік банк әзірлеген The Worldwide Governance Indicators
(WGI) халықаралық зерттеу жобасы осы бағалауды жүргізу құралдарының бірі
болып саналады. Қазақстан Республикасында мемлекеттік басқаруды
дамытудың 2030 жылға дейінгі тұжырымдамасын бекіту туралы Қазақстан

Республикасы Президентінің 2021 жылғы 26 ақпандағы № 522 жарлығы мен
«Халық үніне құлақ асатын мемлекет» концепциясының, яғни «Адамдарға
бағдарланған мемлекет» шеңберінде Дүниежүзілік Банктің (The World Bank)
мемлекеттік басқару сапасы мен тиімділігін бағалайтын Worldwide Governance
Indicators көрсеткіштері бойынша - 80 процентильден төмен емес баллдық
нәтижеге қол жеткізу көзделген [80].
WGI дүние жүзі бойынша елдер арасындағы мемлекеттік басқарудың
сапасын кешенді түрде бағалайтын жүйе ретінде кеңінен қолданылып келе
жатқан құрал болып табылады. Сонымен қатар бұл жүйе «Good Governance»
концепциясының жүзеге асырылуын бағалауда маңызды орын алады.
WGI - мемлекеттік басқару индикаторлары бойынша 167 ел арасында
жаһандық зерттеу жүргізе отырып, әлем елдерінің рейтингін қалыптастырады
және мұндағы ақпараттар үнемі жаңартылып отырады.
Зерттеу нәтижелері бүкіл әлем бойынша көптеген мүдделі тараптардың
әртүрлі көзқарастарын, соның ішінде сауалнамаларға қатысқан респонденттер
мен сарапшылардың пікірлерін көрсетеді. WGI зерттеулері 1996 жылдан бастап
жүйелі түрде жүргізіліп келеді және мәліметтер Дүниежүзілік Банктің
әдіснамасына сәйкес әр түрлі көздерден жиналады. Бұл деректерге ұлттық
институттар мен халықаралық ұйымдардың статистикалық көрсеткіштері,
халықаралық және үкіметтік емес ұйымдардың тұрақты зерттеулерінің

51