Page 60 - Диссертация к

жүзеге асырылып, Парламенттің рөлі мен Үкіметті бақылау күшейтілді [194],
[2].
Бұл кезеңдердің әрқайсысы еліміздің мемлекеттік басқару жүйесінің
күрделі әрі көп деңгейлі дамуын көрсетеді.
Қазіргі таңда мемлекеттік басқару жүйесінің кезекті бесінші кезеңіне
көшті. Бұл кезеңнің маңызды қадамы ретінде «Халық үніне құлақ асатын
мемлекет» концепциясының, яғни «Адамдарға бағдарланған мемлекет» саясаты
маңызды рөл атқарады.
«Ең алдымен адамдар» саясатында:
1. Халықтың әл-ауқаты мен өмір сүру сапасына тікелей әсер ететін
өзгерістерді жүзеге асыру;
2. Партия құрылысының үрдісін жалғастыру арқылы саяси жүйені
нығайту;
3. Халықпен тиімді кері байланыс арналарын қалыптастыру арқылы
басқару сапасын жақсарту мен азаматтардың саяси құқықтарын қамтамасыз
ету;
4. Қоғамдық келісімді нығайту арқылы тұрақты әрі үйлесімді қоғам
қалыптастыру міндеттері қойылған [79].
Бұдан кейінгі «Халық үніне құлақ асатын мемлекет» концепциясын
жүзеге асыруда қабылданған маңызды құжат Қазақстан Республикасының
мемлекеттік басқаруды дамытудың 2030 жылға дейінгі тұжырымдамасын
бекіту туралы Қазақстан Республикасы Президентінің 2021 жылғы 26
ақпандағы № 522 жарлығы болды. Бұл тұжырымдаманың 4-ші «Мемлекеттік
басқарудың негізгі қағидалары» бөлімінде келесідей маңызды қадамдар
көрсетілген.

Олар келесідей бөлімдерден тұрады:
- 4.1 Халық үніне құлақ асатын мемлекет қағидаларын қалыптастыру;
- 4.2 Тиімді мемлекет қағидаларын қалыптастыру;
- 4.3 Есеп беретін мемлекет қағидаларын қалыптастыру;
- 4.4. Кәсіби мемлекет қағидаларын қалыптастыру;
- 4.4. Прагматикалық мемлекет қағидаларын қалыптастыру.
Бұл бөлімдер мемлекеттік қызметкерлердің халық алдында есеп беру
кездесулерін өткізу, азаматтарды жеке қабылдау, қоғамдық кеңестер құру,
сондай-ақ ресми интернет-ресурстар мен әлеуметтік желілерде ақпаратты
тұрақты түрде жариялау қызметтерінен қамтиды. Бұл шаралар үш негізгі бағыт
бойынша жүзеге асырылмақ. Біріншіден, ақпараттық-түсіндіру жұмыстары
аясында мемлекеттік органдар азаматтарды барлық мемлекеттік бағдарламалар
мен жобалар туралы уақтылы хабардар етіп отыруға міндеттеледі. Екіншіден,
халықпен тиімді кері байланыс орнату арқылы мемлекеттік органдар
азаматтардың шағымдары мен өтініштеріне жедел ден қоюға бағытталады.
Үшіншіден, консультациялық органдарды қалыптастыру арқылы мемлекеттік
саясаттың өзекті мәселелеріне қатысты шешімдерді әзірлеуге елдің белсенді
азаматтарын тарту көзделеді. Осы тұжырымдаманы іске асырудан күтілетін
нәтиже ретінде Дүниежүзілік Банктің Мемлекеттік басқарудың сапасы индексі
бойынша 80 процентильден төмен емес нәтижеге жету жоспарданған [80].

60