Page 68 - Диссертация к

Ү пен Х1 арасында өте әлсіз оң корреляция байқалады. Алайда, бұл
байланыс статистикалық тұрғыдан маңызды емес, себебі p-мәні 0.801, яғни 0.05
шегінен әлдеқайда жоғары. Бұл көрсеткіш GRICS мемлекеттік басқару
сапасына тікелей әсер етпейтінін білдіреді немесе басқа факторлардың әсері
күшті екенін көрсетуде.
Х2 – (t = 0.156, p = 0.803*)
Ү пен Х2 арасындағы байланыс та өте әлсіз әрі статистикалық маңызды
емес. Бұл нәтиже электронды үкіметтің дамуы әлі де GRICS мемлекеттік
басқару сапасына тікелей ықпал ету үшін жеткіліксіз екенін немесе басқа
құрылымдық факторлармен бірге қарастырылуы қажет екенін көрсетеді.
Х3 – (t = -0.061, p = 0.923*)
Ү пен Х3 арасында кері бағыттағы өте әлсіз байланыс байқалады және ол
да маңызсыз. Бұл Қазақстан жағдайында демократия деңгейі мен GRICS
мемлекеттік басқару сапасы арасында тікелей байланыс орнамағанын немесе
демократиялық құрылымның басқару сапасына әсер ету деңгейі әлі айқын емес
екенін білдіреді.
Х4 – (t = 0.883*, p = 0.047)
Бұл көрсеткіш статистикалық тұрғыдан маңызды (p<0.05) және
айнымалылар арасында күшті оң байланыс барын көрсетеді. Яғни, мемлекеттің
ашықтығы артқан сайын жалпы басқару сапасының рейтингі жоғарылайды. Бұл
нәтиже Қазақстан сияқты жаңа мемлекеттік басқару жүйесіне өтіп жатқан ел
үшін мемлекеттік басқару сапасына ашықтықтың күрделі әрі көпқырлы ықпал
ететінін көрсетеді. Ашықтықтың енгізілуі қоғамда демократиялық үрдістердің
тереңдеуіне, азаматтық белсенділіктің артуына және басқару шешімдерінің
тиімділігін арттыруға жол ашады. Бұл құбылыс саяси тұрақтылық пен басқару

тетіктерінің теңгерімді дамуын талап етеді, сондықтан ашықтықтың ықпалын
жан-жақты және стратегиялық тұрғыдан басқару маңызды.
Х5 – (t = -0.363, p = 0.549*)
Орташа дәрежедегі кері байланыс байқалады, бірақ ол да статистикалық
маңызды емес. Яғни өркендеу индексі жоғары елдерде GRICS мемлекеттік
басқару сапасының рейтингі міндетті түрде жоғары бола бермейді. Бұл
байланыс күрделі және экономикалық көрсеткіштерден бөлек, басқарушылық
құрылымдар мен мәдени контекстке тәуелді екенін көрсетуде.
Х2 мен Х3 арасында өте күшті оң корреляция бар (t = 0,941), және бұл
байланыс статистикалық маңызды (p = 0,017). Бұл нәтиже екі айнымалының
арасында тығыз оң байланыс барын көрсетеді. Яғни, Х2 деңгейі артқан сайын
Х3 те жоғарылайды. Бұл өзара байланыстың жоғары болуы олардың ұқсас
немесе өзара шартталған құбылыстар екенін көрсетуде.
Зерттеу нәтижелері халық үніне құлақ асатын мемлекетті құруда тек
жекелеген көрсеткіштерге ғана емес, олардың өзара байланысы мен контекстіне
де назар аудару қажеттігін көрсетеді. Мемлекеттің ашықтығы мен мемлекеттік
басқару сапасы арасындағы күшті оң байланыс ерекше назар аударуға
тұрарлық. Бұл нәтиже ашықтықты арттыру тетіктерін мұқият жоспарлап,
оларды саяси және әлеуметтік жүйелердің ерекшеліктеріне бейімдеу қажеттігін
көрсетеді. Басқа айнымалылар бойынша (электронды үкімет пен демократия

68