Page 77 - Диссертация к

2. Халықпен тікелей диалог. Арнайы жабдықталған аймақтар мен «Open
space» кеңістіктер әкімдермен және олардың орынбасарларымен тұрғындардың
жеке мәселелерін талқылауға жағдай жасайды.
3. Сыбайлас жемқорлықтың алдын алу. Жүйе электрондық сервистер
арқылы шенеуніктердің азаматтармен тікелей өзара іс-қимылын барынша
азайту мақсаты қойылған.
Келесі кезекте Қазақстан Республикасындағы «Халық үніне құлақ асатын
мемлекет» концепциясын қалыптастыру мен оның дамуына ықпал ететін
бағдарламалар мен заңдарға талдау жасалды.
2020 жылғы 25 мамырда № 333-VI «Қазақстан Республикасында бейбіт
шерулерді ұйымдастыру және өткізу тәртібі туралы» Заңы қабылданды [208].
Бұл заң бейбіт жиналыстарды ұйымдастыру мен өткізудің негізгі қағидаларын
айқындайды. Атап айтқанда, бейбіт жиналыстар зорлық-зомбылықсыз сипатта
өткізілуі тиіс, заңдылық қағидасын сақтауы қажет және мемлекеттік қауіпсіздік
пен қоғамдық тәртіпті қамтамасыз ету, сондай-ақ азаматтардың құқықтары мен
бостандықтарын қорғау талаптарын ескеруі керек делінген. Сонымен қатар,
жиналыстарға қатысу ерікті түрде жүзеге асырылады, олардың өткізілуіне
басымдық беріледі және барлық тараптардың жауапкершілігі қарастырылады.
Бұл қағидалар азаматтардың еркін пікір білдіру құқығын қамтамасыз ету және
қоғамдық тұрақтылықты сақтау мақсатында бекітілген.
Сонымен қатар Қазақстан Республикасы Президентінің жанындағы
«Ұлттық қоғамдық сенім кеңесінің ережесі мен құрамын бекіту туралы» 2019
жылғы 17 шілдедегі № 63 жарлығы қабылданған болатын [209]. Бұл Қазақстан
Республикасы Президентінің жанындағы кеңес беруші орган болып табылады.
Ұлттық қоғамдық сенім кеңесінің негізгі құрылу саясаттың өзекті мәселелерін

талқылау мен шешу жолдары бойынша ұсыныстар әзірлеуден тұрады. Сонымен
қатар Ұлттық кеңес өз қызметінде Қазақстан Республикасының
Конституциясын, заңдарын, Қазақстан Республикасы Президентінің актілерін,
өзге де нормативтік құқықтық актілерді басшылыққа ала отырып қызмет
атқарады.
2023 жылғы 1 қыркүйекте Қазақстан Республикасы Президентінің Қасым-
Жомарт Тоқаевтың «Әділ Қазақстанның экономикалық бағыты» атты
Қазақстан халқына Жолдауы жарық көрді [210]. Қабылданған шаралар билік
тармақтары арасындағы оңтайлы тепе-теңдікті қамтамасыз етуге мүмкіндік
берді. Осылайша, «Күшті Президент – Ықпалды Парламент – Есеп беретін
Үкімет» формуласы одан да тереңдей түсті. Нәтижесінде адам құқықтарын
қорғау саласында да маңызды қадамдар жасалды. Заңның үстемдігі мен
әділеттілікті қамтамасыз ету үшін ауқымды жұмыстар жүргізілді, сонымен
қатар азаматтардың мемлекеттік шешімдер қабылдауға қатысу мүмкіндіктері
кеңейді.
2024 жылғы 30 шілдеде Қазақстан Республикасы Президентінің № 611
жарлығы негізінде «Қазақстан Республикасының 2029 жылға дейінгі ұлттық
даму жоспары» бекітілді [211]. Бұл құжат мемлекеттік органдардың халық
мүдделеріне бағдарлануын арттыруды көздейді, яғни мемлекеттік қызметтерге
кері байланыс негізінде басымдық беріліп, ең өзекті мәселелерді шешуге

77