Page 78 - Диссертация к

бағытталады. Бұл жоспар негізінде «Халық үніне құлақ асатын мемлекет»
концепциясына сәйкес, бизнес пен азаматтардың шешімдер қабылдауға қатысу
мүмкіндіктері кеңейтіліп, мемлекеттік қызметтердің көп бөлігінің цифрлық
форматқа көшірілуін көздейді. Халыққа қызмет көрсету орталықтарын
цифрлық форматқа бейімдеп, өзіне-өзі қызмет көрсету және бейне қызмет
көрсету аймақтары енгізіледі. Сонымен қатар, қоғамның мемлекеттік
органдарға деген сенімі мен қанағаттану деңгейі мемлекеттік аппарат
қызметінің негізгі бағалау критерийіне айналып, қоғамдық бақылау тетіктері
күшейтіледі.
Қазақстан Республикасы Үкіметінің 2020 жылғы 2 маусымдағы № 341
қаулысы негізінде «Қазақстан Республикасында азаматтық қоғамды дамытудың
2025 жылға дейінгі тұжырымдамасы» қабылданды [212]. Тұжырымдама
азаматтық қоғам мен оның институттарын дамыту үшін жағдай жасау,
идеологиялық және саяси әртүрлілік пен бәсекелестікті, пікірлердің
плюрализмін, азаматтық белсенділіктің түрлері мен әдістерінің әртүрлілігін
ескере отырып, оларды толыққанды шешу мақсатында азаматтарды мемлекет
пен қоғамның негізгі міндеттерін талқылауға тарту жөніндегі шараларды
бекітеді. Қазақстандағы азаматтық қоғамның өзара іс-қимылының даму
кезеңдері келесідей болып қалыптасты (сурет 16).

IV кезең — 2019 жылдан бастап қазіргі уақытқа дейін: Қазіргі заманғы жағдайларға
сәйкес саяси жүйені қайта жүктеу, әлеуметтік бағдарланған мемлекеттік күн тәртібіне
баса назар аудару және «Халық үніне құлақ асатын мемлекет» қағидатын іске асыру.

III кезең — 2010-2018 жылдар: Осы кезеңде үшінші сектордың институционалдық және
ресурстық дамуы басталды, бұл ретте шетелдік донорлар тарапынан ҮЕҰ қызметін
бюджеттік қаржыландырудың төмендеуі байқалды.

II кезең — 2000-2010 жылдар: Осы кезеңде мемлекеттік саясат мемлекет пен қоғам
арасындағы өзара іс-қимыл форматын анықтауға, сондай-ақ экономикалық
тұрақтылықты қамтамасыз етуге бағытталды.

I кезең — 1990 жылдар: Бұл кезең мемлекет пен қоғамды жаңартуға бағытталды,
мемлекеттік саясаттың негізгі бағыты жағдайды тұрақтандыруға және жұмылдыру
режимінде жедел экономикалық өсу үшін маңызды конституциялық-құқықтық бағытты
қалыптастыруға, сондай-ақ мемлекеттік жүйенің негізгі міндеттерін анықтауға
бағытталды.

Сурет 16 - Қазақстандағы азаматтық қоғамның даму кезеңдері

Ескерту – Зерттеу нәтижесі негізнде автор құрастырған

2024 жылғы көрсеткіш бойынша әрекет ететін ҮЕҰ қызметі келесідей
бағыттар бойынша қызмет атқарады [213]:
- 7,78% - Жастар саясаты мен балалар бастамаларын қолдау;
- 15,68% - Халықтың әлеуметтік осал топтарын қолдау;

78