Page 79 - Диссертация к

- 20,05% - Білім, ғылым, ақпарат, спорт және дене шынықтыру саласында;
- 9,3% - Азаматтардың, ұйымдардың заңды мүдделері мен құқықтарын
қорғау; 3,93% - Азаматтардың денсаулығын сақтау мен салауатты өмір
салтын насихаттау;
- 1,79% - Отбасылық – демографиялық мәселелерді шешуге көмектесу
және гендерлік теңдік мәселелері;
- 3,6% - Мәдениетті және өнерді дамыту;
- 4,84% - Қоғамдық келісімді және жалпыұлттық бірлікті нығайту;
- 1,68% - Жетім балаларға, толық емес көп балалы отбасылардан шыққан
балаларға көмек;
- 1,77% - Тарихи - мәдени мұраны қорғау;
- 3,41% - Қоршаған ортаны қорғау;
- 19,78% - Өзгеде әлеуметтік маңызы бар бағыттар бойынша жұмыс
істейтін ҮЕҰ;
Сонымен қатар, 2023 жылғы 2 қазанда «Қоғамдық бақылау туралы»
Қазақстан Республикасының № 30-VIII Заңы қабылданды [214]. Бұл заң
азаматтардың мемлекет істерін басқаруға қатысуын қамтамасыз етуді көздейді.
Қоғамдық бақылау заңдылық, жариялылық және ашықтық қағидаларына
негізделіп, оған қатысу ерікті түрде жүзеге асырылады. Сонымен қатар, осы заң
негізінде қоғамдық бақылау субъектілерінің тәуелсіздігі сақталып, мүдделер
қақтығысына жол бермеу талап етілді.
Бұдан кейінгі маңызды қадамдардың бірі «Онлайн-платформалар және
онлайн-жарнама туралы» Қазақстан Республикасының 2023 жылғы 10
шілдедегі № 18-VIII Қазақстан Республикасы Заңының қабылдануы болды
[215]. Бұл заң онлайн-платформаларда ақпаратты еркін алу және тарату арқылы

адам құқықтарын қорғауды қамтамасыз етеді. Сонымен қатар, сөз және
шығармашылық еркіндікті сақтай отырып, пайдаланушылар туралы ақпаратты
жинау мен тарату заң аясында жүзеге асырылады. Азаматтарыдың мүдделері
мемлекет тарапынан осы заң негізінде қорғалады, ал онлайн-платформалардың
меншік иелері мен пайдаланушылары заңнаманы бұзған жағдайда олардың
құқықтары шектелетіндігі көрсетілген.
Сондай-ақ Қазақстан Республикасы Президентінің 2021 жылғы 18
тамыздағы № 639 «Қазақстан Республикасында жергілікті өзін-өзі басқаруды
дамытудың 2025 жылға дейінгі тұжырымдамасын бекіту туралы» жарлығы
қабылданды [216]. Бұл жарлық мемлекеттік және жергілікті өзін-өзі басқару
органдары үшін халықпен кері байланыстың заманауи құралдарын тиімді
пайдалану қажеттігін атап өте отырып, ашықтық пен есеп берудің маңызды
аспектісі ретінде қарастырылады. Ауыл әкімдігінің басқарушылық қызметін
ашық әрі есепті ету басқару сапасын арттыруға және азаматтық белсенділікті
күшейтуге ықпал ететіні көрсетілген. Жергілікті өзін-өзі басқару органдарының
қызметін ашық ету мақсатында интернет-платформаларда қоғамдастықтарды
дамыту бағдарламалары мен бюджет түсімдері туралы ақпараттар
жарияланады. Мұндай порталдар жергілікті қоғамдастықпен өзара іс-қимылды
нығайтып, азаматтық бастамаларды талқылауға мүмкіндік береді. Осы заң
аясында, қалаларда жергілікті өзін-өзі басқаруды дамыту мақсатында 2020

79