Page 81 - Диссертация к

қоюды кеңейту және салықтар туралы хабарламаларды үздіксіз жіберу және т.
б. қызметтерді дамыту болып табылады.
Сонымен қатар маңызды қадамның бірі «Петицияларды тіркеу және
есепке алу қағидаларын бекіту туралы» Қазақстан Республикасы заңы
қабылданды [219]. Ол Қазақстан Республикасы Мәдениет және Ақпарат
министрінің 2023 жылғы 6 желтоқсандағы № 490-НҚ бұйрығымен бекітілді.
Қазақстан Республикасында E-petition.kz ел азаматтарына өзекті
мәселелер бойынша петициялар құруға және оларға қол қоюға мүмкіндік
беретін ресми үкіметтік платформа мүмкіндіктері қарастырылған. Осы заң
негңзңнде 2024 жыл қорытындысы бойынша 102 петиция жарияланды. Барлық
өтініштердің ішінен тек 4-і ғана қол қоюдың қажетті шегіне жетті. Өтінішті
мемлекеттік органдардың қарауына беру үшін 50 000 қол жинау қажет. Өтініш
тіркелген сәттен бастап 40 жұмыс күні ішінде қаралады.
Танымал петициялар арасында ерекше назар аударуға тұрарлықтарының
бірі «Уақыт белдеуін өзгерту туралы» петиция қажетті 50 000 қол жинап,
ресми қарауға ұсынылды. Бұл бастама азаматтардың күн тәртібіндегі маңызды
мәселелерге назар аудару қабілетін көрсетеді. Сонымен қатар, «Тәңіршілді
ресми дін ретінде тану туралы» петиция да қоғамдық пікір тудырып, қол
жинау үрдісінде белсенді талқылануда. Бұл мәселе қоғамның дүниетанымдық
және мәдени сұраныстарының ауқымдылығын айқын көрсетеді.
Платформа E-petition азаматтардың пікірін білдіру үшін құрылған, алайда
қол жинаудың жоғары деңгейі және халықты жеткіліксіз ақпараттандыру
салдарынан көптеген петициялардың қажетті қолдауға қол жеткізе алмауына
әкелуде. Платформа E-petition азаматтарға өз ұсыныстарын мемлекеттік
органдарға жеткізуге мүмкіндік береді. Алайда оның тиімділігін арттыру үшін

ақпараттық-түсіндіру жұмыстарын күшейту және қол жинау үрдісін
оңтайландыру қажеттілігі туындауда.
Қазақстан Республикасы Президентінің 2022 жылғы 13 сәуірдегі № 872
«Мемлекеттік аппараттың қызметін бюрократиядан арылту жөніндегі шаралар
туралы» жарлығы қабылданған болатын [220]. Құжат бюрократиялық
рәсімдерді қысқартуға және Қазақстандағы мемлекеттік басқарудың тиімділігін
арттыруға бағытталған. Негізгі қағидаларға формальды процестерден арылу
басымдығы, цифрландыру, басқарушылық жауапкершілік және мемлекеттік
басқару жүйесін үнемі жетілдіру кіреді. Құжат айналымын қысқарту,
нормашығармашылық үдерісті және регламенттеуді оңтайландыру көзделген.
Сондай-ақ ақпараттық жүйелерді интеграциялау, деректердің
дұрыстығын қамтамасыз ету және есептілікті азайту бойынша шаралар енгізілу
қарастырылған. Мемлекеттік дерекқорларда бұрыннан бар ақпаратты сұратуға
тыйым салынады және цифрлық шешімдерді пайдалану міндетті болады.
Қорытындылай келе, жүргізілген талдау Қазақстан Республикасында
«Халық үніне құлақ асатын мемлекет» концепциясын дамытуда елеулі
жұмыстар атқарылғанын көрсетті. Дамыту үшін бірқатар маңызды заңдар мен
бағдарламалар қабылданған. Жүзеге асыру жолында негізгі орын алып жатқан
мәселелерді айтар болсақ мемлекеттік органдарға жолданған азаматтардың
сауалдарына берілген жауаптараға азаматтардың қанағаттанарлық жауаптар

81