Page 86 - Диссертация к

2023 жылы кездесулер саны 85-ке жетті. бұл жылы қаланың
инфрақұрылымын жақсартуға, жаңа тұрғын үй кешендерін салуға, туристік
секторды дамытуға, сондай-ақ қоғамдық көлік пен экология мәселелерін
шешуге басты назар аударылған.
2024 жылы Түркістанда тұрғындармен 96 кездесу өткен. Бұл кездесулер
әлеуметтік нысандар құрылысын жалғастыру, көлік желісін жақсарту, жаңа
жұмыс орындарын құру, сондай-ақ қаладағы экологиялық жағдайды жақсарту
сияқты қала өмірінің өзекті мәселелерін шешуге арналған. Қалалық тазалық пен
экологияны дамыту, сондай-ақ аз қамтылған азаматтарды қолдау мәселелерін
талқылау ерекше маңызды болған.
Осылайша, 2019-2024 жылдар аралығында Түркістанда халықпен 426
кездесу өткізген. Бұл іс-шаралар қаланың әлеуметтік және экономикалық
мәселелерін шешуде, инфрақұрылым мен тұрғын үй жағдайларын жақсартуда,
сондай-ақ қаланың одан әрі дамуына жағдай жасауда маңызды рөл атқарған
[224].
Алайды зерттеу нәтижесі бойынша Түркістан қаласының жергілікті
жаңалықтары жарияланатын сайттарында (Turkestan Media, Otyrar News)
халықтың мемлекеттік органның лауазымды тұлғаларымен кездесулеріне
қатысты сыни пікірлерінің жарияланғандығын көрдік. Біріншіден, халықтың
көпшілігі мұндай кездесулер көбінесе ресми сипатта болады, негізінен
азаматтармен нақты диалогқа емес, тек формальды есептік ақпарат беруге
бағытталып отырады делінген. Екіншіден, мұндай кездесулердің барлық
әлеуметтік топтар үшін қолжетімділігі шектеулі болып отыр делінген. Ең
негізгі мәселе көбіне мұндай іс-шараларға келетін адамдар алдын ала таңдалып
алынады деушілер саны да басым болды. Сонымен қатар халықты

ақпараттандырудың жеткіліксіздігі азаматтардың қатысу деңгейін
төмендететіндігін айтқан. Үшіншіден, азаматтар көтерген мәселелерді шешудің
тиімділігі және олардың орындалуын бақылау тетіктері әлсіз деушілер саны да
көп болды. Көбінесе тұрғындар өз сұрауларына нақты жауап ала алмайды
немесе ұсынылған шешімдердің орындалу барысын қадағалай алмай мәселесіде
болды. Төртіншіден мәселелесін тез шешетін адамдар ол, таныс тамыры бар,
сол басшылыққа жақындығы барлар ғана деушелірде көп болды. Сонымен
қатар, азаматтардың ұсыныстары мен ескертулері көбінесе қараусыз қалады, ал
оларды тәжірибелік іске асыру тетіктері толық көлемде әзірленбеген деген
сауалдар саны да басым болды.
Түркістан қаласы әкімдігінің ресми сайты «Халық үніне құлақ асатын
мемлекет» концепциясы шеңберінде ашықтық пен есеп беру қағидасын іске
асырудада бір қатар жұмыстар атқарылуда [224]. Бұл ресурс азаматтарға
жергілікті билік органдарының қызметі туралы өзекті ақпаратқа қол жеткізуге
мүмкіндік береді.
Сайт «жаңалықтар», «мемлекеттік қызметтер», «ережелер» және
«байланыс деректері» сияқты бірнеше негізгі бөлімдерді қамтиды. Жаңалықтар
бөлімі әкімдіктің соңғы оқиғалары мен шешімдерін жариялайды, ал
мемлекеттік қызметтер бөлімінде оларды жүзеге асыру тәртібі туралы
ақпараттар ұсынады. Нормативтік құжаттар бөлімінде азаматтарға заңнамалық

86