Page 87 - Диссертация к

өзгерістерден хабардар болуға мүмкіндік беретін қаулылар мен басқа да ресми
актілер жарияланады. Сондай-ақ әкімдікке тікелей жүгіну үшін байланыс
деректері қарастырылған. Сайт қазақ, орыс және ағылшын тілдерінде
қолжетімді. Сонымен қатар, өтініштерді қабылдау жүйесі қарастырылған.
Өңірлік жобалар мен даму жоспарлары туралы деректер ұсынылған, бұл
халықтың қаланың болашағы туралы хабардар болуына ықпал етеді.
Алайда, біздің зерттеу нәтижеміз бойынша бұл сайт көп жақсарту іс-
шараларын да қажет ететінін айта кетуіміз керек. Біріншіден, ақпаратты
үздіксіз жаңартып отыру қажет, өйткені кейбір бөлімдерде ескірген деректер
көп. Екіншіден, сайттан қажетті ақпаратарды тез табу ыңғайлылығын арттыру
қажет. Үшіншіден, кері байланыс жүйесін жақсарту мен өтініштерді өңдеудің
ашықтығын қамтамасыз ету және жауап беру мерзімдерін нақтылауды қажет
етеді. Төртіншіден, барлық функциялар смартфондар мен планшеттерде дұрыс
жұмыс істеуі үшін сайттың мобильді нұсқасын жетілдіру жұмыстары қажет.
«Халық үніне құлақ асатын мемлекет» концепциясын жүзеге асыру
мақсатында «Бір терезе» қағидасы негізінде жұмыс жүргізу мақсатында
Түркістан қаласының халқы мемлекеттік органдармен байланыс жасаулары
үшін және өтініш тілектері мен шағымдарын айтуға арналған бірыңғай
байланыс жүйелерінің бірнеше түрлері арқылы жұмыс атқарады. Бұл
құралдардың жасаушысы Қазақстанда «Ұлттық ақпараттық технологиялар» АҚ
болып табылады. Осы байланыс жүйелері: iKOMEK 109 және 1310 - біраңғай
байланыс операторлық жүйесі, Е-өтініш электрондық порталдары және Ашық
әкімдік қызметтері. Бұның ішінде 1310 - біраңғай байланыс операторы тек қана
Түркістан қаласына қатысты сауалдарды қарастырады ал, iKOMEK 109 және
Ашық әкімдік қызметтері Түркістан қаласы мен облыстарына қарасты барлық

өңірлерді қамтитын сауалдарды қараумен айналысады. Қазіргі таңда Түркістан
облысына қарасты 17 өңір кіреді, оның 14-і аудандар, 3-уі қала мәртебесінде.
Ал Е-өтініш электрондық порталына кез келген Қазақстан Республикасының
азаматтары сауал жолдай алады.
Бұл қызметтер Түркістан қаласын 6 секторға бөлу арқылы жұмыс
сапасын бақылау және қадағалауды қамтамасыз етеді.
1310 байланыс операторлық орталығы Түркістан қаласы бойынша
өтініштерді қабылдау қызметтерін 2023 жылдың 21-ші шілдесінен бастап өз
қызметтерін атқара бастады. Қазіргі таңда 2024 жыл қорытындысы бойынша
орталыққа 11333 өтінім келіп түскен, оның 10482 өтінімі дер кезінде
орындалып, жауап беріген. 767 өтінім өз уақытынан кешіктіріліп орындалды.
Ал 58 өтінім орындалмады, нақтырақ айтқанда мәселелері шешілмеген. Ол
коммуналдық мекеме қызметкерлеріне шағым жасалған, бірақ жасалған шағым
орынсыз болған, атап айтқанда қате ақпарат алу салдарынан болған. Ең жиі
түсетін өтінімдер коммуналдық және әлеуметтік салаларды қамтиды [227].
Орталыққа түсетін өтінімдер 5 санатқа бөлінген (кесте 24):

Кесте 24 - 1310 бірыңғай байланыс орталығына келіп түскен өтініштер
санаты (саны)

87