Page 92 - Диссертация к

Ескерту - Түркістан қаласы Фронт офис орталығынан алынған мәліметтер негізінде автор
құрастырған [229]

2021-2024 жылдар аралығындағы жалпы өз уақытынан кешіктіріліп
орындалған 364 өтініштер мен орындалмаған 605 өтініштер Тұрғын үй саласы,
Жер қатынастары саласы, Инфрақұрылым және Әлеуметтік сала бойынша
түскен өтініштер, атап айтқанда негізгі шешілу мәселесі жергілікті бюджет
тарапынан қаржыландыруды талап ететін өтініштер.
Осы қолданыстағы кері байланыс құралдарының сайтарын зертеу мен
халықтың сауалдарының қорытындысы негізінде өзіндік кемшіліктеріде бар
екендігі анықталды, олардың тиімділігін төмендететін бірқатар тұстарын айта
кетсек, көп жағдайда жауаптар заңмен белгіленген шекті мерзімде (15-30 күн)
жауап беріледі, бұл шұғыл мәселелерді шешуде тиімсіз етеді. Шаблондық және
формальды жауаптар, яғни көбінесе өтініштерге нақты шешімдерсіз стандартты
жауаптар беріледі, мысалы «Сауалыңыз қабылданды» немесе «Сіздің
сұрауыңыз құзыретті органдарға жіберілді» деген сияқты. Әлсіз кері
байланыс мәселесіде бар, егер өтініш беруші алынған жауапқа қанағаттанбаса,
одан әрі әрекет етудің нақты тетігі жоқ. Пайдаланудың қиындығы орын алып
тұрады, кейбір азаматтар өтініштерді тіркеу және беру кезінде қиындықтарға
тап болады. Жүйенің жұмысында мезгіл-мезгілімен техникалық ақаулар,
кідірістер немесе өтініш беру кезінде қателер пайда болады. Жауап алу
тетіктерінің белгісіздігі орын алады, яғни азаматтар әрқашан өз өтініштерін
қаралу барысын бақылай алмайды, ал нақты әрекеттер туралы ақпараттар жоқ.
Өтініштер баяу өңделеді, азаматтардың күткеніне сәйкес келмейтін жауаптар
беріледі. Кейде сапалы кері байланыс болмайды, өтініш берушілер әрқашан
сауалдарының орындалғанын растай алмайды немесе қабылданған шешім
бойынша түсініктеме ала алмайды. Ең негізгі мәселе көптеген азаматтар осы
жүйенің тиімділігіне күмәнданады. Мұнда кері байланыс жүйесін жетілдіру
жолдарының қажет екендігін зерттеу нәтижесі көрсетіп отыр.
Олардың ішінде барлық кері байланыс арналарын бір экожүйеге
орталықтандыру және біріктіру, шешімдердің ашықтығын қамтамасыз ету, яғни
азаматтардың өтініштерінің қаралу барысы мен қабылданған шаралар туралы
толық ақпарат алуы мүмкіндігі, сонымен қатар жауаптардың сапасын
арттыруда ресми жауаптардан мазмұнды және сындарлы шешімдерге көшу
сияқты. Кері байланысты күшейту арқылы қабылданған шаралар бойынша
есептілік тетіктерін енгізу, сонамен қатар цифрлық жүйелерді жетілдіруде
техникалық ақауларды жою және осы платформаларының сенімділігін арттыру
іс шаралары талап етілетіндігін байқалды.
Жоғарыда аталған кемшіліктерді жою азаматтар мен мемлекеттік
органдар арасындағы кері байланыстың тиімділігін арттыруға, сол арқылы
халықтың билік институттарына деген сенімін нығайтуға мүмкіндік береді.
Түркістан қаласында 2020 жылғы 10 қарашадан «Ашық әкімдік» кеңсесі
өз қызметін бастаған болатын [230]. Ашық әкімдік кеңсесінде
ұйымдастырылатын жеке қабылдауларға кез келген Түркістан қаласының
тұрғындары мен Түркістан облысының құрамына кіретін барлық ауыл

92