Page 97 - Диссертация к

1. Ұйымдардың ұзақ мерзімді тұрақты жұмыс істеуіне қажетті қаржының
жеткіліксіздігі немесе тұрақсыздығы.
2. Маманданған, тәжірибелі және кәсіби қызметкерлердің жетіспеуі.
3. ҮЕҰ мен мемлекеттік органдар арасындағы әріптестік пен байланыс
жүйесінің әлсіздігі немесе тиімді жолға қойылмауы.
4. Қоғамдық маңызы бар немесе мемлекеттік деректерге қол жеткізу
мүмкіндігінің шектеулі болуы.
Атап айтқанда мемлекеттік және халықаралық гранттарға
қолжетімділіктің шектелуі, сондай-ақ жеке инвесторлар тарапынан қолдаудың
жеткіліксіздігіне байланысты қаржылық тұрақсыздық орын алып
отыратындығы анықталды. Сонымен қатар бюрократиялық кедергілер
мемлекетпен ынтымақтастықты қиындатады, ал қоғамдық сананың төмендігі
қолдауды шектеп отыр. ҮЕҰ қызметі туралы қоғамдық хабардарлықтың төмен
деңгейі қосымша кедергі болып отыр. Ақпараттық ашықтықтың шектелуі
азаматтардың әлеуметтік және саяси жобаларға қатысуына кедергі келтіреді,
ұйымдарға деген сенім деңгейін төмендетеді және жаңа серіктестер, еріктілер
мен демеушілерді тартуды қиындатады.
Секторды нығайту үшін қаржыландыруды кеңейту, мамандардың
біліктілігін арттыру, мемлекеттік органдармен өзара іс-қимылды оңайлату және
ақпараттық ашықтықты дамыту қажеттігін дәлелдеуде. Бұл шаралар ҮЕҰ-ға
әлеуметтік салада маңызды рөл атқаруға мүмкіндік береді деп санаймыз.
«Халық үніне құлақ асатын мемлекет» концепциясын іске асыру
шеңберінде Түркістан қалалық әкімшілігінде мемлекеттік қызметшілердің
кәсіби құзыреттерін арттыру бойынша бірқатар іс-шаралар белсенді
қабылдануда [224]. Олар көбіне біліктілікті арттыру бағдарламалары,

семинарлар мен конференциялар, сонымен қатар электрондық платформалар
арқылы оқыту түрінде жүргізіледі. Бұл платформалар қызметкерлерді негізгі
жұмысынан алшақтатпай, оқу үрдісін тиімді ұйымдастыруға мүмкіндік береді.
Кәсіби біліктілікті арттыру бағыттарының бірі халықаралық тәжірибе алмасу
бағдарламаларына қатысу болып табылады. Бұл мемлекеттік қызметкерлерге
басқа елдерде қолданылатын мемлекеттік басқару тәжірибелері мен
стратегияларымен танысуға және осы білімді өз жұмысын жақсартуға және
жергілікті мәселелерді шешуге бейімдеуге мүмкіндік береді. Кәсіби өсу
үрдісінің тиімділігін бақылау үшін Түркістан қаласының әкімшілігінде бағалау
және кері байланыс жүйесі енгізілді. Осы механизмнің көмегімен
қызметкерлердің жетістіктері талданады, олардың күшті және әлсіз жақтары
анықталады, бұл күш-жігерді белгілі бір құзыреттерді дамытуға және
жұмыстың жалпы өнімділігін арттыруға дәл бағыттауға мүмкіндік береді.
Алайда осы жүргізіліп жатқан іс шараларды кешенді түрде жүзеге
асыруға кедергі келтіріп отырған жағдайлар да орын алуды. Түркістан қаласы
әкімдігінде жүргізілген зерттеу нәтижелері бойынша «Халық үніне құлақ
асатын мемлекет» концепциясына бағытталған практикалық дағдылардың
толыққанды дамуын қамтамасыз ететін біліктілікті арттыру
бағдарламаларының кемшілік тұстарын байқадық. Кәсіби дамуды қиындататын
факторлардың негізгісі қызметкерлердің жоғары жүктемеге ие болуы мен

97