Page 3 - Аңдатпа

Зерттеудің мақсаты мен міндеттері. Диссертациялық зерттеудің
мақсаты белгісіздік жағдайында кәсіпкерлікті қолдау саласындағы
мемлекеттік саясатты жетілдіру жөніндегі шаралар кешенін әзірлеу болып
табылады.
Зерттеудің мақсаты келесі негізгі міндеттерді шешуді қамтиды:
- шағын және орта кәсіпкерлікке қатысты мемлекеттік саясаттың
тұжырымдамалық негіздерін зерделеу;
- пандемия кезеңінде бизнесті қолдау саласындағы шет елдердің
тәжірибесіне талдау жүргізу;
- белгісіздік кезеңінде ШОБ өмір сүруіне және оларға қатысты
мемлекеттік саясатты бағалауға әсер ететін негізгі факторларды анықтау;
- белгісіздік жағдайында кәсіпкерлікті қолдау бойынша мемлекеттік
саясатты жетілдіру бойынша ұсынымдар әзірлеу.
Зерттеу объектісі – белгісіздік жағдайында кәсіпкерлікті қолдау
жөніндегі мемлекеттік саясат.
Зерттеу тақырыбы саясатты қалыптастыру процестері, кәсіпкерлікті
қолдау құралдары және белгісіздік жағдайында мемлекеттік шешімдер
қабылдау болып табылады.
Зерттеу әдістері. Кәсіпкерлікті қолдау жөніндегі мемлекеттік саясаттың
тәсілдері мен стратегияларын зерделеу бойынша халықаралық тәжірибеге
талдау жүргізу үшін кейс-стади және контент-талдау әдістері пайдаланылды.
Тапсырмаларды шешуге арналған кейс-стади әдісі салыстырмалы

модельдерге негізделген. Жүргізілген әдеби шолу негізінде салыстыру үшін
Орталық Азия елдерінің, ЭЫДҰ елдерінің кейстері іріктелді. Осы елдердің
кейстері Қазақстан үшін бизнесті қолдау жөніндегі мемлекеттік саясат
тәсілдерінің анықталған артықшылықтарын қолдану мүмкіндігі үшін іріктеме
жасайды. Ғылыми әдебиеттерден, мемлекеттік және өзге де органдар веб-
сайттарының ашық көздерінен алынған деректерді талдау, деректерді
триангуляциялау әдістемесін пайдалана отырып есептер мен статистикалық
деректер зерттеудің дұрыстығын қамтамасыз етеді.
Кәсіпкерлікті қолдау саласындағы мемлекеттік саясат саласындағы
ағымдағы жағдайды талдау мақсатында ғылыми әдістер кешені қолданылды:
- мемлекеттік саясатты талдау әдісі (policy analysis) және кейс-стади
әдісі ағымдағы жағдайды талдау кезінде, атап айтқанда кәсіпкерлікті қолдау
жөніндегі мемлекеттік саясаттың тәсілдерін қарастыру кезінде пайдаланылды.
Мемлекеттік саясатты талдау әдісі саясатты әзірлеу кезінде ғылыми
деректерді пайдалануды түсінудің және шешім қабылдаудың негізінде жатқан
құндылықтарды, мүдделерді және саяси контексттерді тереңірек түсінудің
тиімді құралын ұсынады.
- екінші деректерді талдау әдісі (desk research) және контент-талдау
нормативтік-құқықтық актілерге талдау жүргізу үшін, атап айтқанда бизнесті
қолдау жөніндегі мемлекеттік стратегияларды талдау үшін пайдаланылды.
Кешенді талдау кезінде қайталама деректерді талдау әдісі негізгі идеяларды
бөліп көрсетуге және байланыстардың заңдылығын бақылауға мүмкіндік
береді.