Page 116 - Диссертация к

1) Толығымен келісемін: «Мен мемлекеттік органдармен үнемі оңай
байланысамын, туындаған мәселелемнің шешімін дер кезінде жылдам табамын,
маңызды пікірлерімді ескеріп, түсінуге тырысады» деп жауап бергендер - 23%
болды.
2) Келісемін: «Өзімнің туындаған мәселемнің шешімін біршама
жылдам шеше аламын, мемлекеттік органдар мен халық арасындағы диалог күн
санап жақсарып келеді» дегендер - 31% құрады.
3) «Жауап беруге қиналамын» дегендер - 12% құрады.
4) Келіспеймін: «Елімізде бюрократия мен сыбайлас жемқорлық белең
алып тұрғанда мәселе шешілмейді, азаматтардың маңызды пікірлері үнемі
ескерілмей қалады, тек қана таныс - тамырлар арқылы ғана мәселемді шеше
аламын» деген жауап - 24%.
5) Толығымен келіспеймін: «Мемлекеттік органдардың қызметтері
үнемі қажетсіз құжаттарға негізделген, мемлекеттік органдар мен халық
арасындағы диалог жақсарады деп ойламаймын, мәселенің шешіміне оңай қол
жеткізу мүлдем мүмкін емес» дегендер - 10% құрады.
Нәтижесінде сезімталдық пен консенсусқа бағытталу бойынша 54%.
халық келісті, 34% келіспейді, 12% жауап беруге киналды.
«Есеп беру» қағидасы бойынша – «Сіздің тұрғылықты жеріңіздің қала
әкімі, орынбасарлары мен бөлім басшылары өздерінің атқарып жатқан
қызметтері туралы халық алдында есеп беріп отырады ма?» деген сауалға
жауаптар келесідей болды (сурет 28):
1) Толығымен келісемін: «Мемлекеттік органдар үнемі өз
функциялары туралы халық алдында есеп беріп отырады» деген халық үлесі -
15% құрады.
2) Келісемін: «Есеп беру қағидасы жақсы қалыптасқан, бұл

мемлекеттік органдардың халықпен байланыс жасау тиімділігін арттыруға
ықпал етіп отыр» деген жауап - 51% құрады
3) «Жауап беруге қиналамын» деушілер саны - 12%.
4) Келіспеймін: «Мемлекеттік органдар халық алдында есеп бермейді,
барлығы формалды түрде ғана ұйымдастырылады» деген адам - 13%.
5) Толығымен келіспеймін: «Елімізде мемлекеттік органдарда есеп
берудің тиімді тетігі әлі қалыптаспаған» дегендер саны - 8% құрады.
Нәтижесінде есеп беру қағидасы бойынша – 67% келісті 21% келіспеді.
12% адам жауап бере алмады.
Сауалнаманың үшінші бөлімі ретінде келесі сұрақтар мемлекеттік
қызметтерге баға беру бағыты бойынша қойылған болатын (сурет 29).

116