Page 134 - Диссертация к

мардымсыз болып шықты. Бұл жағдай «Халық үніне құлақ асатын мемлекет»
қағидатын толыққанды іске асыруда ақпараттық-түсіндіру жұмыстары мен
концепцияны жүзеге асыру институттарын дамыту қажеттігін көрсетеді.
Н4: «Халық үніне құлақ асатын мемлекеттік басқару жүйесі ашықтық,
есеп беру, заң үстемдігі, қатысу және консенсусқа бағдарлану қағидаларына
сай жүзеге асырылады» деген гипотеза да ішінара ғана расталды. Эксперттік
сауалнама нәтижелері концепцияны тиімді іске асыруда әсіресе «қатысу» және
«заң үстемдігі» қағидаларының маңыздылығын көрсетті. Сонымен қатар,
«ашықтық» пен «есеп берушілік» қағидаларын да кешенді түрде енгізудің
қажеттілігі анықталды. Бұл нәтижелер диссертацияның бірінші міндеті ретінде
теориялық бөлімінде ұсынылған авторлық тұжырымды нақтылай түседі, яғни
зерттеу авторының «Халық үніне құлақ асатын мемлекет» тұжырымдамасына
қатысты берген негізгі ұстанымын – басқару сапасын арттыру үшін
«Жауапкершілік», «Міндеттеме» және «Бірегейлік» ұғымдарының жетекші
рөлін қуаттайды.
Зерттеу нәтижесі көрсеткендей елімізде «Халық үніне құлақ асатын
мемлекет» концепциясының алғашқы қадамдары жасалған, дегенмен жүзеге
асырылуының нақты жүйесі әлі қалыптаспады деген қорытынды жасауға
болады.
Осы нәтижелерді негізге ала отырып Қазақстан үшін концепцияны тиімді
жүзеге асыру үшін және зерттеу негізінде анықталған мәселелерді шешу жолы
ретінде келесідей іс-шаралардың жасалынуын маңызды деп санап, ұсыныс
ретінде берілді:
«Халық үніне құлақ асатын мемлекет концепциясын дамыту
бағдарламасы» деп нақты атын атай отырып нормативтік-құқықтық немесе

стратегиялық құжат қабылдау. Осы құжаттың құрамында келесідей іс-
шаралардың орындалуының қамтамасыз етілуін ұсынамыз, олар:
1. Концепцияның жүзеге асырылуының нақты қадамдарын белгілеу;
2. Халықпен байланыс жасайтын құралдарды тиімді ететін
интеграцияланған механизмін құру;
3. Мемлекеттік орган қызметкерлерін «Халық үніне құлақ асатын
мемлекет» концепциясына сай дайындауға арналған бағыттарды белгілеу;
4. Open Government Partnership халықаралық ұйымына мүше болу, оның
негізгі ережелеріне сай іс-шаралар атқару;
5. Халықтың әлеуметтік жағдайын жақсарту іс-шараларын белгілеу;
6. Концепцияны іске асыруда мемлекеттік органдар мен серіктестердің
өзара іс-қимылының бірыңғай экожүйесін қалыптастыру;
7. Good governance стандарты мен қағидаларына сай жұмыс жасау үшін
тиімді стратегиялық бағытты бекіту.
Концепцияны толыққанды және жүйелі іске асыру үшін жеке нормативтік
құжатты қабылдау концепцияның жұмыс істеу қағидаларын, мақсаттары мен
құралдарын заңнамалық деңгейде бекітуге мүмкіндік береді.
Сонымен қатар концепцияны іске асыруға ресми көзқарасты
қалыптастыруға мүмкіндік бере отырып мемлекеттік қызметкерлердің тиісті
жауапкершілік деңгейін қатаңдатады. Нәтижесінде ашықтық пен есептілікті

134