Page 137 - Диссертация к

мен іске асыру мүмкіндігі. Қоғамдық тыңдаулар мен кездесулерге қатысу,
азаматтар билікпен ашық диалог жүргізіп, өз ұсыныстарын айта алу мүмкіндігі.
Цифрлық желілік қауымдастықтарды құру арқасында азаматтар мен
қоғамдық ұйымдар өз пікірлерін жедел білдіруге, қоғамдық талқылауларға
бастамашылық етуге және әлеуметтік және саяси бастамаларды әзірлеуге
қатысуға мүмкіндік алады. Сонымен қатар, цифрлық желілер кері байланыс пен
бақылау механизмін қамтамасыз ете отырып, мемлекеттік бағдарламалар мен
шешімдерді тиімдірек бақылауға ықпал етеді. Заманауи технологияларды
қолдану қоғамдық сұраныстарды талдауға, әлеуметтік трендтерді болжауға
және қоғамның нақты қажеттіліктерін ескере отырып, мемлекеттік саясатты
бейімдеуге мүмкіндік береді.
Азаматтық қоғам мүмкіндіктерін кеңейтуде гранттық жобаларды
ұйымдастыруда маңызды. Бұл әлеуметтік және кәсіпкерлік бастамаларды
қолдау, инновациялық идеяларды жүзеге асыруға қаржылық көмек көрсету,
мемлекеттік және халықаралық гранттарға қол жеткізу, ғылыми және
әлеуметтік жобаларды қаржыландыру жолдарын жасау қызметтерінен тұрады.
Азаматтық қоғамның белсенділігі басқару жүйесінің ашықтығы мен
демократиялық қағидалардың сақталуына ықпал етеді. Ол шешім қабылдау
үдерісіне қатысып, билікті бақылау және адам құқықтарын қорғау арқылы
қоғамдық тұрақтылықты қамтамасыз етеді. Қоғамдық ұйымдар әлеуметтік
мәселелерді шешуде және қоғамдық шиеленісті азайтуды қамтамасыз етуде
маңызды рөл атқарады. Белсенді азаматтық қоғам экономикалық дамуға да
серпін береді. Ол кәсіпкерлікті, волонтерлік қозғалыстарды және білім беру
бастамаларын ілгерілету арқылы экономикалық өсуді ынталандырады.
Азаматтық институттар билік құрылымдарындағы сыбайлас

жемқорлықтың алдын алу және құқықтық тәртіпті сақтау мақсатында тәуелсіз
бақылау функциясын орындайды. Сонымен қатар экологиялық және әлеуметтік
жауапкершілікті арттыру да азаматтық қоғамның басым бағыттарының бірі
болып табылады. Азаматтық бастамалар халықаралық деңгейде де ел имиджін
қалыптастыруға әсер етеді. Белсенді азаматтық қоғам демократия, адам
құқықтары және әлеуметтік стандарттар салаларындағы жоғары көрсеткіштері
арқылы мемлекеттің беделін арттырады. Сонымен қатар, азаматтық қоғам
инновациялардың маңызды қайнар көзі ретінде жаңа әлеуметтік және
технологиялық шешімдерді әзірлеуге ықпал етеді.
Ал «Белсенді азамат» контексті – бұл қоғамдық мәселелерді шешуге
қатысу арқылы әлеуметтік белсенділікті арттыруды білдіреді. Мұнда виртуалды
азамат дегеніміз бұл мемлекеттік органдармен өзара әрекеттесуге,
талқылауларға, дауыс беруге және бастамаларға аумақтық және уақыттық
шектеулерсіз қатысуға мүмкіндік беретін цифрлық сәйкестендіруге ие
пайдаланушыны айтамыз. Негізгі артықшылықтары виртуалды орта
бюрократиялық кедергілерді азайту және азаматтарға онлайн режимінде
ұсыныстар енгізуге, өтініштер беруге және жауаптар алуға мүмкіндік беру
арқылы мемлекеттік құрылымдармен өзара әрекеттесу процесін қол жетімді
етеді. Мұндай жүйеде деректерді талдауды қолдану қазіргі әлеуметтік
трендтерді анықтау мен әлеуметтік өзгерістерді болжауға мүмкіндік береді.

137