Page 140 - Диссертация к

жауапкершілікке ынталандырып, олардың мемлекеттік басқару мәселелеріне
қызығушылығын арттырады. Осылайша, азаматтар мемлекеттік бастамалардың
жүзеге асырылуын қадағалап, сұрақтар қойып, есеп беруді талап ете алады, бұл
өз кезегінде мемлекеттік басқарудың ашықтығы мен тиімділігін арттыруға
септігін тигізеді.
Осы аталған модельді жүзеге асыруда «Халық үніне құлақ асатын
мемлекет» концепциясын жетілдіру үшін қабылданған құжатта халықпен
байланыс жасайтын құралдарды тиімді ететін интеграцияланған механизмді
қалыптастыру жолдарын көрсету маңызды болып саналады. Бұнда келесідей
міндеттерді орындау қажет. Олар:
1. Елімізде қазіргі таңда қолданылып келе жатқан кері байланыс
құралдарының барлығының интеграцияланған бір жүйесін қалыптастыру.
Концепцияны жетілдірудің маңызды қадамдары ретінде ұсынылған біздің
модельдегі функцияларды осы жүйеге қосу.
2. Осы интеграцияланған кері байланыс құралдарын пайдалану арқылы
жиналған деректерді тиімді өңдеу мен қорытынды есептерін әзірлеу
функцияларын жетілдіру.
3. Ашықтық және инклюзивтілікті қалыптастыру жолдарын жетілдіру.
Бірінші бөлімдегі зерттеу нәтижесіне сүйене отырып (1.3 бөлім)
Қазақстанның әлемдік рейтинг бойынша цифрландыру саласы бойынша әлем
елдері арасында 28 орынды иемденгенін көрдік. Алайда бұл салада әліде
елімізде бір қатар мәселелердің бар екендігін екінші бөлімдегі (2.1, 2.2, 2.3)
зерттеу нәтижелері дәлелдеді. Осы ұсыныстың жасалынуының негізгі себебі
зерттеу нәтижесі бойынша қазіргі таңда қолданыстағы бар байланыс
құралдарының өзіндік кемшіліктерінің болуында. Біріншіден бұл байланыс

құралдары соңына дейін жасалынып бітпеген жүйеге ұқсайды, тек қана сауал
бере аласыз ары қарай жұмыс процесін көру немесе есебі мен
статистикасынмен танысуға мүмкіндік жоқ. Халыққа мемлекеттік қызметке
қатысу мүмкіндігі қарастырылмаған және ақпараттандыру жүйесі мен
азаматтық қоғам мүмкіндіктері шектеулі.
Бізге жаңа платформалар, сайттар, порталдар керек емес, қолданыстағы
барлық бар платформалар мен порталдарды біріктіріп интеграцияланған жүйе
мен сол жүйеде осы операторлардың қызметтерін ары қарай жетілдіру керек
деп санаймыз. Бұл механизм жүзеге асу үшін негізгі маңызды қадам ретінде
барлық қолданыстағы бар байланыс құралдарының өз-ара интеграциялана
алатын жүйесін құрудың маңызды екендігін айта отырып көптеген дамыған
мемлекеттерде қолданылып келе жатқан Open API integration интерфейсін
құруды ұсынамыз. Бұл үшін осы Open API integration интерфейсін қазіргі таңда
елімізде қолданылып жатқан Ашық үкімет платформасына Open API
фукциясын қосуды ұсынамыз (сурет 40). Ал қалған басқа байланыс
операторлары қолданыстан алып тасталынуы керек. Ал алдағы уақытта басқада
жаңа байланыс операторларды қосу қажеттелігі туындап жатса барлығын осы
жүйеге қосу маңызды, бөлек қызмет атқаратын байланыс операторлары тиімсіз,
ол белгілі бір уақыт өте келе пайдаланылмай қалу қаупі жоғары.

140