Page 141 - Диссертация к

Сурет 40 - Ашық Үкімет порталына Open API функциясының қосылуы

Ескерту - Зерттеу нәтижесі негізінде автор құрастырған

Бұл қазіргі таңда қолданыста бар порталдар мен платформаларды бір
ортаға жинауға мүмкіндік береді. Азаматтар мен мемлекеттік органдар бір
жерден барлық қызметтерді қолданып қорытынды есептерін алуға мүмкіндік
болады. Онда барлық ақпараттар ашық кез келген азамат немесе мемлекеттік
қызметкер үшін қол жетімді болуы керек. Өңірлердегі мемлекеттік органдар
жоғары тұрған органға есеп бермейтіндей кез келген мекеме сол жерден
өздеріне қажетті есептері мен ақпараттарды ала алатындай мүмкіндік жасалыну
керек деп санаймыз. Кез келген қызметтің орындалу процесі мен статистикасы
ашық көрініп тұру маңызды.
Open API функциясын қолдану үшін төмендегідей қадамдарды орындау
қажет:
1. Тіркелу және аутентификация: оған, екі факторлы тексеру (құпия сөз
+ SMS немесе электрондық пошта арқылы алынған код) арқылы.
2. API кілтін алу: Қызметке қол жеткізу үшін арнайы API кілтін алу қажет
болады. Бұл кілт жүйеге қауіпсіз түрде қосылуға мүмкіндік береді. API кілтінің
аяқталу мерзімі жоқ, қайта жаңартылып отыруды қажет етпейді.
3. API сұрауларын жасау: Тіркеліп, API кілтін алған соң, қажетті
порталдар мен платформаларға API сұрауларын жіберуге болады.
4. Қауіпсіздік талаптарын орындау: Кейбір платформалар мен порталдар
API арқылы қосылуды тек белгілі бір IP мекен жайларынан немесе жүйелерден
ғана рұқсат етуі мүмкін. Сондықтан API жүйесімен жұмыс істеу үшін белгілі
бір қауіпсіздік талаптары мен параметрлерін орындау қажет.
5. Платформаларға кіру және жұмыс істеу: API арқылы әртүрлі
платформалар мен порталдардың деректеріне қол жеткізуге, оларды жаңартуға
немесе талдауға мүмкіндік бар. Бұл әрекеттерді жүзеге асыру үшін API
сұрауларының қажетті параметрлері мен түрлерін дұрыс түсіну қажет.

141