Page 146 - Диссертация к

«Халық үніне құлақ асатын мемлекет» концепциясын жетілдіру
мақсатында берілген ұсыныстарды жүзеге асыруда мемлекеттік орган
қызметкерлерін концепцияға сай дайындауға арналған бағыттарды белгілеу
маңызды. Қазақстан Республикасы Президентінің 2020 жылғы 31 желтоқсанда
«Жекелеген мемлекеттік саяси лауазымдарға қойылатын біліктілік талаптарын
бекіту туралы» №485 жарлығы қабылданған болатын. Осы жарлықтың 3-ші
тарауында құзыреттер бойынша талаптар көрсетілген, онда «Саяси
мемлекеттік лауазымдарға орналасу үшін жаһандық көзқарас, тиімді қарым-
қатынас дағдылары, стратегиялық ойлау және көшбасшылық қасиеттер
қажет» делінген [246]. Яғни мемлекеттік қызметшілер үшін мемлекеттік
органдардың қажеттіліктерімен тығыз байланыста білім алу мен дағдыларды
үздіксіз арттыру негізгі қағида болуға тиіс. Бұл концепцияға сай құзыретті және
адамдарға бағдарланған кадрларды қалыптастыруға ықпал етеді. Ол үшін:
1. Мамандандырылған тренингтерді, тағылымдамаларды және біліктілікті
арттыру бағдарламаларын қамтитын кәсіби дамудың кешенді жүйесі құрылуы
керек. Онда «Кәсіби коммуникация және көпшілік алдында сөйлеу»,
«Келіссөздер процесінің технологиялары» яғни келіссөздер процесінің
стратегиясын, тактикасы мен технологияларын, сыртқы саяси міндеттерді
ойдағыдай іске асыру мақсатында көпжақты келіссөздерді дайындау және
жүргізу процесін зерделеуге арналған дағдыларды жетілдіру,
«Ұйымдастырушылық мінез-құлық» ұйымды басқарудағы тұлғааралық өзара
әрекеттесу шарттарын бекіту дағдыларын қалыптастыру маңызды. Мұнда
ұйымды басқару құрылымдары мен жүйелері ретінде «Change management»,
«Teambuilding», көшбасшылық, этикалық мінез-құлық нормалары және
жанжалдарды шешу дағдыларын қалыптастыруда аса маңызды. «Мемлекеттік

қызметкерлерге арналған тілдік құзыреттер (шет тілдері мен мемлекеттік
тілде)» білімін кеңейтуге бағытталған дағдыларды қалыптастыру, «Кәсіби
коммуникациялар және қақтығыстарды басқару» бағытын қамтуда маңызды
аспект болып саналады.
2. Осы зерттеудегі концепция шеңберінде қабылданған модель негізінде
«Әкімшілік рәсімдерді цифрландыру» қағидасын орнату маңыздылығы зор.
Цифрлық платформалар мен симуляциялық модельдерді қоса алғанда, заманауи
білім беру технологияларын енгізу арқылы мемлекеттік қызметкерлерді
оқытудың тиімділігі мен жұмыс процесінің автоматтандырылуын арттыруға
мүмкіндік беріледі.
3. Good Governance қағидаларына сүйене отырып ұлттық әкімшілік
жүйенің бәсекеге қабілеттілігін арттыру және үздік басқару тәжірибелерін
енгізу мемлекеттік қызметкерлердің концепцияға сай қызмет атқаруларына
ықпал етеді.
Концепцияны жүзеге асыруда қабылданған құжаттың бір қадамы ретінде
ұсынылған Қазақстанның Open Government Partnership халықаралық ұйымына
мүше болуы болды.
Қазақстанның OGP ұйымына мүше болу үшін мемлекет кемінде төрт
негізгі талаптың үшеуіне сәйкес келуі тиіс. Олар: ақпаратқа қолжетімділік,
бюджеттің ашықтығы, сыбайлас жемқорлыққа қарсы іс-қимыл және азаматтық

146