Page 147 - Диссертация к

бостандықтардың қорғалуы сияқты ашық үкіметтің өзекті қағидаттарын
қамтиды. Сонымен қатар, ұйымға кіру барысында әр мемлекет азаматтық
қоғаммен тығыз ынтымақтастықта Ұлттық іс-қимыл жоспарын әзірлеп, оны
жүзеге асыруы тиіс. Олар:

1. Саяси ерік пен институционалдық жауапкершілікті қамтамасыз ету
2. Азаматтық қоғаммен өзара тиімді әріптестік орнату
3. Ұлттық іс-қимыл жоспарын әзірлеу және жүзеге асыру
4. Мемлекеттік деректердің ашықтығын қамтамасыз ету
5. Халықаралық есептілік және мониторинг жүйелерін енгізу
6. Ашық үкімет мәдениетін ілгерілету және азаматтардың цифрлық әрі
құқықтық сауаттылығын арттыру

Осы айтылған жоспар диссертацияда ұсынылған «Халық үніне құлақ
асатын мемлекет» концепциясын іске асыру жолдары OGP қағидаттарымен
өзара үндесіп, бірін-бірі толықтырып отырады. Яғни осы ұсыныстар жүзеге
асырылған жағдайда қазақстанның OGP халықаралық ұйымына мүше болу
мүмкіндігі жоғары.
Түркістан қаласы бойынша жүргізілген зерттеуде статистикалық талдау
нәтижесі концепцияны жүзеге асыруға бөлінген қаржының жыл санап өскені
халықтың әдеуметтік жағдайының жақсаруына оң әсер етпегенін көрсетті.
Теориялық бөлімдегі зерттеу нәтижесі көрсеткендей дамыған мемлекеттердің
көбісінде «Good governance» концепциясын дамытуды халықтың әлеуметтік
жағдайын жақсарту арқылы жетілдірген. Авторлардың көпшілігі әлеуметтік
жағдайы төмен халықтың саясатқа араласуға мүмкіндігі болмайтындығын
меңзеген. Сол себепті біздің елдеде халықтың әлеуметтік әл-ауқатын арттыру
концепцияны тиімді іске асырудың маңызды алғышарттарының бірі болып
табылатынды. Ол үшін келесідей маңызды салалар қолға алынуы керек:
1. Әлеуметтік осал топтарға мемлекеттік қолдау көрсету
2. Жұмыс орындарының санын арттыру
3. Денсаулық сақтаудың қолжетімділігін арттыру
4. Білім алуға тең мүмкіндіктер мен халықтың кәсіби даму
5. Тұрғын үй жағдайлары және коммуналдық қызметтерді жақсарту
Бұлардың дамуы қоғамдағы теңгерімділікті нығайтып, әлеуметтік
тұрақтылықты қамтамасыз етеді. Бұл азаматтардың қоғамдық және саяси
үдерістерге белсенді қатысуға бейім етеді және демократиялық институттарды
нығайтады. Өмір сүру сапасының жоғарылауы халықтың өзін-өзі дамытуына,
кәсіби және білім беру мүмкіндіктерін кеңейтуіне жағдай жасап, әлеуметтік
жауапкершілік пен азаматтық қоғамның дамуына септігін тигізеді. Сонымен
қатар, наразылықтар мен әлеуметтік қақтығыстар қаупін азайтады. Әлеуметтік
стандарттардың жақсаруы мемлекеттік институттарға деген сенімнің артуына
алып келіп, азаматтардың билікпен сындарлы өзара іс-қимылға деген
қызығушылығын арттырады.

147