Page 149 - Диссертация к

мемлекеттік органдардың интернет-ресурстарын ақпараттық толықтыру
қағидаларын және олардың мазмұнына қойылатын талаптарды бекітеді
делінген.
Қазақстан Республикасы Үкіметінің 2020 жылғы 2 маусымдағы № 341
қаулысы негізінде «Қазақстан Республикасында азаматтық қоғамды дамытудың
2025 жылға дейінгі тұжырымдамасы» шықты [212]. Тұжырымдама азаматтық
қоғамды дамытуға және оның институттарының тиімділігін арттыруға
бағытталған. Оның басты міндеттерінің бірі – қоғамдық-саяси саланы жетілдіру
үшін қолайлы жағдай жасау. Бұл азаматтардың белсенділігін көтермелеуді,
олардың мемлекеттік басқару және шешім қабылдау процестеріне қатысу
мүмкіндіктерін кеңейтуді, сондай-ақ азаматтық бақылау жүйесін
қалыптастыруды көздейді. Сонымен қатар, азаматтық қоғам институттарының
әлеуетін нығайту мен азаматтармен өзара іс-қимылдың цифрлық тетіктерін
дамыту маңызды аспектілердің бірі болып табылады делінген.
Келесі маңызды құжат «Цифрлық трансформация, ақпараттық –
коммуникациялық технологиялар мен киберқауіпсіздік саласын дамытудың
2023 – 2029 жылдарға арналған тұжырымдамасын бекіту туралы» Қазақстан
Республикасы Үкіметінің 2023 жылғы 28 наурыздағы № 269 қаулысы болып
табылады. Бұл құжаттың 5-ші «Дамудың негізгі қағидалары мен тәсілдері»
бөлімінде міндет ретінде «Ашық үкімет» қызметін жетілдіру көзделген. Онда
мемлекеттік басқаруды сервистік модельге көшіру үшін үлкен деректер мен
жасанды интеллект талдау құралдарын пайдалану. Ашық үкіметтің дамуы
жалғасып, азаматтар мен үкімет арасында нақты уақыт режимінде ақпараттық
өзара іс-қимыл орнату. Мемлекеттік қызметтерді көрсету мен мемлекет пен
бизнес арасындағы өзара іс-қимылды трансформациялау үшін ашық

архитектура қағидаларына көшу. «Ашық үкімет» порталының тартымдылығы
арттырылып, азаматтар мен ҮЕҰ пікірлері ескеру. Мемлекеттік органдардың
қызмет көрсету стандарттары бірыңғай жүйеге келтіріліп, азаматтарға қажетті
ақпарат пен қызметтерді тез және тиімді алуға жағдай жасау. Проактивті тәсіл
енгізіліп, азаматтар өз профилі мен қажеттіліктеріне сәйкес алдын ала
қызметтер алу мен «Бір өтініш» қағидасы арқылы қызмет көрсету мерзімі
қысқарып, сапасын арттыру көзделген.
«Халық үніне құлақ асатын мемлекет» концепциясын тиімді жүзеге
асыруда мемлекеттік органдар мен серіктестердің өзара іс-қимылының
бірыңғай жүйесін қалыптастыру маңыздылығын атап өтіп ұсыныс ретінде
берілді. Бұл мемлекеттік органдардың, қоғамдық ұйымдардың және бизнес-
қоғамдастықтың күш-жігерін біріктіретін өзара әріптестік жүйесін құру болып
табылады. Бұл концепцияны жүзеге асыруға жауапты негізгі құрылымдардың
рөлі мен функцияларын талдауды, сондай-ақ мемлекеттік басқарудың икемді,
технологиялық дамыған және әлеуметтік бағдарланған жүйесін құруға ықпал
етеді. Осы мақсатта олардың бірлескен өзара іс-қимылының бірыңғай
экожүйесін құрып келесідей механизм ұсынылады (сурет 44).

149