Page 151 - Диссертация к

«Ұлттық ақпараттық технологиялар» АҚ электрондық үкімет
платформаларын қоса алғанда, мемлекеттік IT-инфрақұрылымды дамытуға
және қолдауға жауапты, бұл азаматтардың мемлекеттік қызметтерге жедел
және ыңғайлы қол жеткізуін қамтамасыз етеді. Astana Hub-та біріктірілген IT-
компаниялар мемлекеттік басқарудың және қоғаммен өзара іс-қимылдың
тиімділігін арттыра отырып, инновациялық шешімдерді, цифрлық сервистерді
енгізуге ықпал етеді.
Өңірлік әкімдіктер жергілікті жерлерде мемлекеттік саясаттың іске
асырылуын қамтамасыз етеді, қоғамдық ұйымдар, ҮЕҰ мен азаматтық
қоғамның дамуына, мемлекеттік бастамалардың мониторингіне және халықты
шешім қабылдау процесіне тартуға ықпал етеді. Цифрлық сауаттылық
жөніндегі білім беру орталықтары халықты заманауи технологияларды
пайдалануға дайындауда маңызды рөл атқарады, бұл азаматтардың цифрлық
кеңістікке қатысуын кеңейтуге және халықты цифрлық мүмкіндіктер туралы
хабардарлығын арттыруға ықпал етеді.
Осы институттардың үйлестірілген өзара іс-қимылы қоғам, бизнес және
мемлекеттік құрылымдар арасындағы тиімді кері байланысты қамтамасыз ете
отырып, «Халық үніне құлақ асатын мемлекет» концепциясының тұрақты
экожүйесін қалыптастырады.
Good governance стандарттары мен қағидаларына келтіру үшін тиімді

жолды таңдау маңыздылығын атап өтіп ұсыныс ретінде берген болатынбыз.
Осы мақсатта «Халық үніне құлақ асатын мемлекет» концепциясын
қалыптастырудың SWOT талдамасының қорытындысы негізгінде SPACE
матрица (Strategic Position and Action Evaluation Matrix) Smart Draw көмегімен
құрылды. Бұл «Стратегиялық ұстаным және іс-әрекетті бағалау
матрицасы» деп аталады. SWOT талдаманың қорытындысы бойынша: Күшті

жақтары S1-S10, Әлсіз жақтары W1-W7, Мүмкіндіктер O1-O8 және Қауіптері
T1-T9 аралығында болды. Яғни күшті жақтары мен мүмкіндіктері
(S10+O8=SO18) қауіптері мен әлсіз жақтарынан (W7+T9=WT16) басым болып
отыр. Бұл төрт негізгі факторды бағалау негізінде мемлекеттің қай бағытта
қозғалу керектігін анықтауға көмектесетін cтратегиялық талдау құралы, олар:
Салалық күштер (Industry Stregth-IS), Бәсекелестік артықшылықтар

(Competitive Advantage-CA), Қаржылық мүмкіндіктер (Financial Strength-FS)
және Сыртқы ортаның тұрақтылығы (Enviromental Stability-ES) факторларын
қамтиды. Талдаудың негізгі мақсаты қазіргі стратегиялық ұстанымды түсінуге
және болашақта жағдайды жақсарту үшін қандай шаралар қабылдау керектігін
анықтауға көмектеседі (сурет 45) [136].

151