Page 155 - Диссертация к

ҚОРЫТЫНДЫ

«Халық үніне құлақ асатын мемлекет» концепциясы – Қазақстанның
мемлекеттік басқару жүйесін жетілдіру жолындағы стратегиялық маңызы бар
қадамдардың бірі болып табылады. Оның негізгі мақсаты – халықтың
мемлекеттік институттарға деген сенімін нығайту, мемлекеттік шешімдер
қабылдау процесіне азаматтардың қатысу мүмкіндігін кеңейту және басқару
тиімділігін арттыру. Бұл ретте, тұжырымдаманың сәтті жүзеге асырылуы
қабылданған модельдердің нақты ұлттық контекстке сәйкестігіне және оларды
тиімді бағалау тетіктерінің қолданылуына тікелей байланысты.
Зерттеу нәтижелері Қазақстанда «Халық үніне құлақ асатын мемлекет»
концепциясының енгізілуі мен іске асырылуы мемлекеттік басқару жүйесінің
трансформациялануындағы өзекті және қажетті бағыт екенін көрсетті.
Қорыта келгенде, диссертациялық зерттеу нәтижелері бойынша
келесідей қорытындылар жасалынды:

Диссертациялық жұмыстың бірінші бөліміндегі зерттеу нәтижелері
мемлекеттік басқарудың эволюциясын және қазіргі заманғы әдістемелерін
көрсетті:
1. Бюрократиялық модельден (Old Public Administration) инновациялық
тәсілдерге (Smart Governance) дейінгі даму бағыттары айқындалды. New Public
Management моделі қызмет көрсету сапасын арттыруға, ал New Public
Governance серіктестік қатынастарды нығайтуға бағытталғандығы, ал Digital
Governance азаматтардың басқару процестеріне қатысу мүмкіндіктерін
кеңейтсе, «Good Governance» концепциясы әлеуметтік әділеттілік пен тұрақты
дамуды қамтамасыз ету үшін маңызды рөл атқаратындығын зерттеген
ғалымдардың еңбектері талданды. Ал Қазақстан контекстіндегі "Халық үніне
құлақ асатын мемлекет" концепциясы төрт негізгі қағидаға сүйенеді, олар:
тиімділік (ресурстарды оңтайлы пайдалану), жауапкершілік (ашықтық пен
қатысу), кәсібилік (кадрлық потенциалды дамыту) және прагматизм (ұзақ
мерзімді стратегиялық жоспарлау). Дегенмен, бұл қағидаларды жүзеге асыру
барысында сыбайлас жемқорлық, институционалдық әлсіздіктер және
азаматтардың формальды қатысуы сияқты кедергілерге тап болатындығы
аталды.
2. Авторлардың берген тұжырымы бойынша «Good Governance»
концепциясы – халықтың мүддесін қорғауға бағытталған, есептілік пен
ашықтыққа негізделген тиімді басқару моделі. Ал «Халық үніне құлақ асатын
мемлекет» концепциясы – цифрлық технологиялар арқылы мемлекет пен қоғам
арасындағы диалогты күшейтіп, тиімді басқару жүйесін құруға бағытталған.
Екі концепцияның ортақ мақсаты – демократиялық үрдістерді дамыту,
азаматтардың құқықтары мен бостандықтарын қорғау және сенімді мемлекеттік
басқару тетіктерін қалыптастыру екендігі айтылды.
3. Автордың берген тұжырымы бойынша «Good Governance» және
«Халық үніне құлақ асатын мемлекет» концепцияларының қағидалары басқару
сапасын арттыруда маңызды және оның негізінде «Жауапкершілік»,

155